web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria kërkon të thyejë "tersin", ja historiku me Suedinë

25 Mars 2024, 11:39, Sport CNA

Shqipëria kërkon të thyejë "tersin", ja historiku

Pas humbjes me Kilin, Shqipëria do të kërkojë të reagojë dhe sot luan miqësoren e radhës, ndaj Suedisë. Skandinavët janë një kundërshtar, aspak i përshtatshëm për kuqezinjtë dhe kjo konfirmohet nga historia e përballjeve mes dy kombëtareve.

Shqipëria numëron pesë ndeshje të zhvilluara në të kaluarën me Suedinë, katër sfida zyrtare dhe një miqësore.

Për herë të parë kuqezinjtë janë përballur me suedezët më 5 nëntor 1988 në kualifikueset e Kupës së Botës, sfidë të cilën e humbën me rezultatin 2-1. Edhe në përballjen e kthimit në ato kualifikuese, më 8 tetor 1989, Suedia triumfoi me rezultatin 3-1.

Fitorja e vetme e Shqipërisë ndaj kësaj kombëtareje, daton më 18 shkurt të vitit 2004. Kombëtarja kuqezi, asokohe drejtohej nga trajneri i njohur gjerman, Hans Peter Brigel, dhe fitonte 2-1, falë golave të shënuar nga Ervin Skela dhe Ardian Aliaj.

Dy kombëtaret, u shortuan sërish 4 vite me vonë, në kualifikueset e Botërorit të 2010-ës. Ndeshja e parë e kualifikuesve mes Shqipërisë dhe Suedisë, u mbyll në një barazim pa gola, që shihej si rezultat pozitiv për kuqezinjtë në atë kohë.

Megjithatë, ndeshja e kthimit, më 14 tetor të vitit 2009, nuk kishte shumë histori. Skandinavët ia dolën të triumfojnë pastër me shifrat e thella 4-1, në ndeshjen e zhvilluar në Stokholm. Statistikat tregojnë që Suedia ia ka dalë të shënojë plot 10 gola ndaj Shqipërisë, kundrejt 5 golave të kuqezinjve.

Sfida e sotme do të jetë e gjashta mes dy ekipeve, me Shqipërinë që do të kërkojë të “thyejë” tersin dhe të marrë fitoren.

Kjo do të jetë sfida e dytë miqësore për kuqezinjtë e Silvinjos për muajin mars, e cila vjen pas humbjes 3-0 me kombëtaren e Kilit, në ndeshjen e zhvilluar në Parma të Italisë.





Lajmet e fundit nga