web counter
LEXO PA REKLAMA!

SHKARKO APP

App Store
Google Play

E fundit!

x

Prezantohet projekti “Niko Dovana”, Duka: Me 3 stadiumet e reja do të jemi vendi më i mirë në rajon për infrastrukturën sportive

4 Maj 2023, 10:52, Sport CNA

Prezantohet projekti “Niko Dovana”, Duka: Me 3 stadiumet e reja do

Është zhvilluar sot konkursi ndërkombëtar për projektin e stadiumit të ri të Durrësit, ku garojnë për finalen 3 studiot prestigjioze të arkitekturës bashkëkohore: "51N4E" (Belgjikë), "Bjarke Ingels Group, BIG" (Danimarkë) dhe "MVRDV" (Holandë).

Në këtë aktivitet mori pjesë edhe presidenti i FSHF-së, Armand Duka, i cili është gjithashtu pjesë e jurisë që do të përzgjedhë edhe projektin fitues. Në fjalën e tij përshëndetëse Presidenti Duka theksoi se qyteti i Durrësit e meriton një investim të tillë, që do të ketë një impakt të madh në jetën ekonomike e sportive të qytetit.

Sipas tij, të gjitha investimet e bëra në stadiume janë fryt i bashkëpunimit të shkëlqyer dhe i bashkimit të forcave mes Federatës Shqiptare të Futbollit, qeverisë shqiptare dhe Kryeministrit Edi Rama, ndërsa shprehu bindjen se me investimet e reja Shqipëria do të bëhet vendi me infrastrukturën më të mirë sportive në rajon.

“Siç e thanë edhe ministrja edhe kryetarja e Bashkisë së Durrësit, së fundmi është nënshkruar një marrëveshje mes Bashkisë së Durrësit dhe Manchester City Group, që dua të përshëndes dhe të falënderoj kryetaren, pasi besoj se do t’i shërbejë futbollit durrsak dhe futbollit kombëtar në përgjithësi, që do ta rrisë në një nivel akoma edhe më të lartë.

Ne plotësojmë me këto stadiume shumë mirë infrastrukturën sportive të futbollit të luajtur, kushtet për mediat e futbollistët etj., por kemi më shumë nevojë për terrene sportive (stërvitje) ,”- tha në fjalën e tij presidenti Duka.

Gjithashtu, presidenti Duka bëri edhe një herë thirrje për të mbështetur nismën e FSHF-së për ndërtimin e fushave të reja stërvitore, që do të nxisin edhe më shumë zhvillimin e futbollit në vend.





Lajmet e fundit nga