web counter
LEXO PA REKLAMA!

SHKARKO APP

App Store
Google Play

Prezantohet Di Biagio: Dinamo, sfidë e madhe për mua

25 Gusht 2023, 15:59, Sport CNA

Me dëshirë dhe entuziazëm për të ngritur skuadrën në nivelet më të larta. Kështu e nis aventurën e tij te Dinamo City, trajneri italian, i mirënjohuri Luigi di Biagio, i cili u prezantua zyrtarisht në stolin e kryeqytetasve dhe foli për herë të parë për mediat shqiptare.

Di Biagio zbuloi se e ka joshur projekti i kryeqytetasve shqiptarë për të pranuar ofertën, teksa pranoi me realizëm se Dinamo nuk është ende skuadra më e fortë e Superiores dhe projekti sapo ka nisur.

"Kam kuptuar se ka dëshirë për t’u rritur, ka dëshirë për të luajtur me të rinjtë, ka dëshirë për të arritur në një nivel shumë të mirë, kështu që mjafton të shohësh projektin dhe entuziazmin, për të kuptuar pse kam ardhur këtu.

Objektivi është ky. Natyrisht që nuk mund të konkurrojmë për vendet e para në këto momente, por skuadra është në rritje dhe më takon mua t’i bëj të luajnë mirë dhe të arrijnë rezultate të rëndësishme. Janë disa skuadra, që sot për sot janë më të forta se ne. Megjithatë unë shoh një skuadër që po rritet shumë dhe nëse më bën të njëjtën pyetje pas dy muajsh, mund të flasim në mënyrë tjetër. Objektivi i parë është të rritemi dhe të pozicionohemi në vendet e para, por të jemi objektivë, ka skuadra më të forta.

Është një sfidë e madhe. E njoh mirë historinë e Dinamos dhe 15 vitet e fundit të saj, ku nuk ka fituar asnjë trofe. Jemi këtu për ta rikthyer në nivele të larta dhe kemi një projekt për ta bërë këtë brenda 2-3 vitesh, ndonëse të jem i sinqertë, unë shpresoj t’ia dalim më shpejt. Jam mësuar të mendoj dhe të shoh gjithnjë lart, por duhet të jem i sinqertë, ky do të jetë një vit rindërtimi."





Lajmet e fundit nga