web counter
LEXO PA REKLAMA!

SHKARKO APP

App Store
Google Play

E fundit!

x

Vllaznia nis sezonin me probleme, humb dy titullarët e rëndësishëm

25 Gusht 2023, 09:05, Sport CNA

E pafat Vllaznia, mesfushori Ardit Krymi e tekniku Memelli në prag të sfidës hapëse të sezonit të ri, aty Vllaznia në orën 20:00 të së shtunës do të presë verilindorët e Kukësit.

Për këtë ndeshje shkodranët po zhvillojnë përgatitjet çdo ditë, por pikërisht në stadin final ka pasur një problem për një prej titullarëve më të rëndësishëm të kësaj skuadre. Mesfushori Ardit Krymi gjatë një ushtrimi pësoi një tërheqje pas një goditjeje që i dha topit. Duke ndier kështu dhimbje dhe duke e lënë në mes procesin stërvitor.

Por ajo që mësohet nga stafi mjekësor është se ai e ka humbur këtë sfidë. Ai nuk mund të luajë ndaj kuksianëve. Kjo patjetër prish planet e trajnerit Memelli, që duhet t’i bëjë llogaritë ndryshe për duelin e së shtunës. Mirëpo nga sa mësohet ai mund të mos jetë i gatshëm as për sfidën e dytë të kampionatit.

Stafi mjekësor po vijon ekzaminimet, të cilat do të nxjerrin edhe një konkluzion edhe më të qartë për shkallën e tërheqjes që ka pësuar lojtari. Ndërsa nga sa mësohet tekniku nuk do ta ketë titullarë atë edhe mbrojtësin e majtë kapitenin Esin Hakaj. Ai mësohet se do ta nisë nga stoli këtë takim, duke qenë i gatshëm në pankinë. Si dy më të mundshmit për të zëvendësuar dyshen Krymi e Hakaj shikohen Alivoda e Asani. Këto dy pritet ta startojnë takimin si titullarë.





Lajmet e fundit nga