web counter
LEXO PA REKLAMA!

SHKARKO APP

App Store
Google Play

Premier League/ Dita e titullit, Manchester City dhe Arsenal sfidohen në distancë

19 Maj 2024, 11:06, Sport CNA

Premier League/ Dita e titullit, Manchester City dhe Arsenal sfidohen në

Kjo e diel rezervon javën e fundit për këtë sezon në Premier League, ku do të vendoset edhe skuadra kampione.

Arsenali dhe Manchester City sfidohen mes tyre në distancë, ku fitorja është detyrim. “Qytetarët” janë të avantazhuar për trofeun e kampionit, pasi mbajnë vendin e parë në renditje me 88 pikë.

Megjithatë, ndeshja e fundit nuk do të jetë aspak e lehtë për skuadrën e Guardiolës. City pret në shtëpi West Ham-in, në një përballje delikate. Vendasit luajnë vetëm për fitore, për të mos e rrezikuar vendin e parë.

Në Londër, Arsenali pret dhurata, pasi mban vendin e dytë me 86 pikë dhe shpreson në një hap fals të rivalëve. Skuadra e drejtuar nga Arteta, sfidon në shtëpi Evertonin, ku nuk ka rezultat tjetër përveç fitores.

Do të jetë një garë e luftuar në distancë nga të dyja ekipet, me dy trofe origjinalë, që do të shkojnë në stadiumet përkatëse, të City-t dhe Arsenal-it.

Java e fundit e kampionatit anglez, rezervon përballje të tjera interesante, ku luftohet edhe për Europën. Chelsea përballet me Bournemouth-in dhe në rast fitoreje, skuadra e Pochettino-s, do të siguronte pjesëmarrjen në Europa League për sezonin e ardhshëm.

Manchester United i vendit të tetë, ka një transfertë delikate, siç është ajo ndaj Brigthon-it. Liverpool luan në shtëpi ndaj Wolves-it, në atë që është edhe ndeshja e lamtumirës për trajnerin Jurgen Klopp. Për këtë arsye, të kuqtë do të kërkojnë me çdo kusht fitoren, për ta përshëndetur trajnerin me një 3-pikësh.





Lajmet e fundit nga