web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Oleksandr Usyk, kampion absolut në boks. Fitore spektakolare ndaj Tyson Fury-t

19 Maj 2024, 10:19, Sport CNA

VIDEO/ Oleksandr Usyk, kampion absolut në boks. Fitore spektakolare ndaj


Oleksandr Usyk është kampioni absolut i botës në boksin profesionist.

Ukrainasi fitoi duelin e shekullit, ndaj Tyson Fury-t. Një përballje mes dy më të mirëve në botë, u zhvillua në Riad të Arabisë Saudite, aty ku fituesi u zgjodh me pikë pas 12 raundeve. Rezultatet ishin 115-112 dhe 114-113 për ukrainasin, me një gjyqtar të tretë që shënoi 114-113 për Fury-n.

Usyk, e nisi me sulme të njëpasnjëshme nga fillimi, ndërsa momenti vendimtar ishte në raundin e nëntë. Boksieri ukrainas, me disa gjuajtje të forta, tronditi britanikun, që me vështirësi të mëdha qëndroi në këmbë.

Kjo është humbja e parë parë Fury-n, nga viti i largët 1999, në peshat e rënda të boksit profesionist dhe e dyta në karrierën e tij.

Me këtë triumf, Usyk, merr të gjithë titujt e boksit profesionist, ndërsa britaniku do të kërkojë menjëherë hakmarrjen, pasi mes tyre është planifikuar një tjetër përballje brenda këtij viti.

Pas fitores, Usyk u shfaq shumë i lumtur, ndërsa tha se ky sukses është për Ukrainën.

"Kjo është një fitore për vendin tim. Ndihem mirë, shumë njerëz u lutën për mua, ju dua.
Unë jam shumë i lumtur. Populli im do të jetë shumë i lumtur mendoj, është një fitore e madhe, jo vetëm për mua, është një fitore e madhe për vendin tim, për ushtarët që tani mbrojnë vendin tim.
Mendoj se babai im tani po më shikon dhe është shumë i lumtur. Babi, të dua. Unë mundem, ti më the se mundem.”, tha kampioni i botës.

Në krahun tjetër, Tyson Fury, nuk ishte dakord me vendimin e arbitrave, duke thënë se fitoi më shumë raunde. Sipas tij, kundërshtari fitoi disa raunde, por shumica e dueleve u mor nga britaniku, që premtoi se do të rikthehet më i fortë.

Në moshën 37-vjeçare, Usyk vazhdon të jetë i pamposhtur, ndërsa në karrierën e tij numëron plot 22 fitore, 14 me nokaut dhe 8 fitore me vendime arbitrash.





Lajmet e fundit nga