web counter
LEXO PA REKLAMA!

SHKARKO APP

App Store
Google Play

“Preferoj hierarki të qarta në portë”: Galtier vendos se cili mes Donarumës e Navasit do të jetë titullar

6 Korrik 2022, 14:44, Sport CNA

Në një gjë janë dakord Xhanluixhi Donaruma dhe Kejlor Navas: nuk duan të kalojnë një vit tjetër duke alternuar vendet në portën e PSG-së. Gjithsesi, është 23-vjeçari italian ai që fitoi balotazhin me 35-vjeçarin nga Amerika Qendrore dhe të paktën për Galtierin do të jetë ai që do të nisë me gradën e titullarit me skuadrën parisiene. Trajneri i ri ishte i qartë në konferencën për shtyp, kërkon hierarki të përvijuara mes shtyllave dhe për momentin është italiani i avantazhuar.

Një lloj sinjali në fakt kishte mbërritur tashmë nga drejtuesit e klubit që pranverën e kaluar dhe Navas thjesht duhet të pranojë rolin e portierit të dytë ose të kërkojë një ekip tjetër.

Në sezonin e kaluar, 26 ndeshje u luajtën nga Navasi dhe 24 nga Donaruma, por me një tension të vazhdueshëm që prishi performancën e të dyve dhe shkaktoi pakënaqësi dhe nervozizëm. Skena për të mos u përsëritur dhe që PSG nuk dëshiron më t’i shohë, duke vënë bast gjithçka mbi portierin e kombëtares italiane për të cilin pronësia ka investuar për të ardhmen.

Të dy do të stërviten nga trajneri italian i portierëve Gianluca Spinelli, i cili është te PSG-ja që nga viti 2018 dhe është konfirmuar edhe për sezonin e ardhshëm.





Lajmet e fundit nga