web counter
LEXO PA REKLAMA!

SHKARKO APP

App Store
Google Play

E fundit!

x

“Plas” te Manchester United, sulmuesi shpërthen ndaj trajnerit: Gënjen! Jam bërë “kokë turku"

4 Shtator 2023, 15:10, Sport CNA

Jadon Sancho i është kundërpërgjigjur Erik ten Hag, i cili tha se lojtari mungoi në ndeshjen ndaj Arsenalit për shkak të dështimit për të arritur nivelin e kërkuar në stërvitje.

Të shtunën, Manchester United pësoi humbje në udhëtim ndaj Arsenalit me rezultatin 3-1. 

Sancho nuk ishte fare i ftuar për këtë ndeshje. Erik ten Hag zbuloi pas ndeshjes se vendimin e mori “në bazë të performancës së tij në stërvitje”.

“Jadoni, për performancën e tij në stërvitje, nuk u përzgjodh. Duhet të arrish një nivel në Manchester United çdo ditë dhe ne mund të bëjmë zgjedhje në vijën e parë. Pra për këtë lojë ai nuk u përzgjodh”, tha holandezi.

Pas kësaj deklarate reagoi Sancho përmes rrjeteve sociale, duke hedhur poshtë atë që tha trajneri i tij.

“Nuk do të lejoj që njerëzit të thonë gjëra të pavërteta për mua. Kam qenë aktiv në stërvitje gjatë gjithë javës. Mendoj se ka arsye të tjera që nuk më lënë mua të luaj. Kam qenë një dele e zezë për një kohë të gjatë dhe kjo nuk është e drejtë!

Gjithçka dua të bëj është të luaj futboll me një buzëqeshje në fytyrë dhe të ndihmoj skuadrën time. I respektoj vendimet që bëhen nga stafi drejtues, luaj me lojtarë fantastikë dhe jam mirënjohës për këtë duke e ditur që çdo javë është një sfidë. Do të vazhdoj të luftoj për këtë stemë pavarësisht çdo gjëje.”, shkroi 23-vjeçari.





Lajmet e fundit nga