web counter
LEXO PA REKLAMA!

SHKARKO APP

App Store
Google Play

E fundit!

x

22.500 mijë tifozë në “Air Albania”, FSHF-ja arkëton shifrën rekord

4 Shtator 2023, 11:23, Sport CNA

Siç dihet tashmë muaji shtator është ndoshta nga më të rëndësishmit për Kombëtaren shqiptare që nga viti 2016, kur kuqezinjtë u kualifikuan në finalet e Europianit të Francës. Me 7 dhe 10 shtator kuqezinjtë do të luajnë dy ndeshje jetike që do të vendosin shumë mbi fatet e djemve tanë në kualifikimin në “Euro 2024”. Fillimisht Çekia në transfertë, më pas Polonia në “Air Albania”.

Pikërisht për këtë sfidën e dytë që do të luhet në vendin tonë, tifozët i janë përgjigjur më së miri edhe rëndësisë që ka kjo ndeshje. “Air Albania” do të jetë i gjithi “SOLD-OUT”. Plot 22 mijë e 500 tifozë do të mbushin edhe shkallët e stadiumit. 22.500 është kapaciteti i këtij stadiumi dhe FSHF-ja për këtë duel arkëton shifrën rekord për shitjen e biletave. Diçka më shumë se 900 milionë lektë të vjetër do të shkojnë në arkat e Federatës.

Tifozët edhe njëherë konfirmojnë se janë të gatshëm për Kombëtaren dhe ndaj Polonisë japin një tjetër sinjal se kualifikimi në “Euro 2024” është një tjetër ëndërr evropiane si ajo e 2016. Shanset tashmë janë më se reale dhe mundësia për të përsëritur emocionet e Europianit të Francës janë po aty.

Sa i takon grupit, Çekia mban vendin e parë me 7 pikë, 1 më pak se çekët ka Kombëtarja jonë, ndërsa 3 më pak se kuqezinjtë ka Polonia e vendit të 3-të.





Lajmet e fundit nga