web counter
LEXO PA REKLAMA!

SHKARKO APP

App Store
Google Play

Plas te Bajerni, “përplasen” Kahn dhe Nojer

4 Shkurt 2023, 12:28, Sport CNA

Presidenti i Bajerni, Olivier Kahn, ka kritikuar kapitenin e ekipit Manuel Nojer. Ky i fundit kishte bërë një koment mbi shkarkimin e trajnerit të portierave të Bajernit, Toni Tapaloviç. Nojer kishte thënë se kjo ishte një “çmenduri” dhe Kahn nuk e ka pritur mirë këtë koment. Tapaloviç ka qenë trajner i portierave të Bajernit që nga 2011.

Më herët ai ka qenë shok skuadre me Nojerin te Schalke. Tapaloviç pati një konflikt muajin e kaluar me trajnerin Nagelsmann. Ky i fundit zbuloi se Tapaloviç kishte nxjerrë sekrete të dhomave të brendshme për mediat. Klubi mori menjëherë vendimin për ta shkarkuar trajnerin e portierave.

Nojer kritikoi klubin për vendimin dhe presidenti Kahn nuk e la pa përgjigje publike kapitenin. “Çfarë tha Manueli në dy intervista për Toni Tapaloviç nuk i bën nder atij si kapiten dhe nuk i jep vlerë FC Bayern”, thotë Kahn. “Qëndrimet e tij nuk kanë të bëjnë me të tashmen pasi tani po përballemi me ndeshje të vështira.

Ai është personalisht i prekur dhe kjo duhet kuptuar. Ne i shpjeguam atij se vendimi nuk ishte i lehtë sepse për momentin kishim trajnerin më të mirë për portier.” Kahn rrëfeu se edhe ai ka kaluar një eksperiencë si ajo e Nojer gjatë karrierës së tij. Por ai nuk bëri ndonjë koment për klubin në media.





Lajmet e fundit nga