web counter
LEXO PA REKLAMA!

SHKARKO APP

App Store
Google Play

Partizani përmbys Kukësin, derbi me Tiranën një finale titulli

6 Maj 2023, 20:05, Sport CNA

Partizani përmbys Kukësin, derbi me Tiranën një finale

Fitore me përmbysje e Partizanit ndaj Kukësit (3-1) në “Arenën e Demave”, sukses që e afron skuadrën e drejtuar nga italiani Giovanvi Colella në garën për titullin kampion, pasi Tirana po mposhtet 2-1 nga Teuta. Derbi i kryeqytetit do të jetë vendimtar për trofenë më të rëndësishëm në vend, pasi diferenca mes bardhebluve dhe të kuqve është ngushtuar në dy pikë.

Në fakt, të kuqtë e nisin keq takimin në shtëpinë e tyre, pasi Kukësi kaloi në epërsi qenë minutën e nëntë me një 11-metërsh (Menish preku topin me dorë) të ekzekutuar saktë nga Taipi.

Po me penallti, të akorduar nga sistemi VAR, vjen edhe goli i Partizanit. Victor da Silva nuk gabon nga pika e bardhë, 1-1.

Nuk përmbahet Partizani në minutat në vazhdim: Da Silva tenton golin, por gjuajtja e tij kthehet nga portieri Halimi, por Atanaskoski ndjek aksionin dhe e shtyp topin me kokë drejt rrjetës, 2-1.

Pak pasi nis pjesë e dytë, Rrapaj pengohet në zonë dhe sërish 11-metërshi akordohet me ndihmën e VAR-it.

Da Silva merr përsipër për herë të dytë goditjen e penalltisë dhe nuk gabon: 3-1. Me këtë rezultat mbyllet ky takim, që e ndez edhe më shumë garën për titullin.





Lajmet e fundit nga