web counter
LEXO PA REKLAMA!

SHKARKO APP

App Store
Google Play

Ofertë 500 mijë euro, titullari i Partizanit drejt Turqisë

31 Korrik 2023, 16:59, Sport CNA

Ofertë 500 mijë euro, titullari i Partizanit drejt Turqisë

Andi Hadroj pritet që të vijojë karrierën e tij tek skuadra e Gaziantep. Mediat turke kanë raportuar këtë të hënë se 24-vjeçari, i cili është grumbulluar dhe nga kombëtarja e Shqipërisë ka arritur akordin me klubin turk. Mësohet se bëhet fjalë për një kontratë 3-vjeçare dhe pagë mujore prej 30 mijë eurosh.

Nga ana tjetër Partizani ka marrë një ofertë prej 500 mijë eurosh për kartonin e Hadrojit dhe pritet që klubi i kuq t’i hapë udhë transferimit. Gjasat janë që sfida e kthimit e kualifikueseve të Conference League mes Atletic D’Escaldes të jetë e fundit për 24-vjeçarin,i cili do të nisë një aventurë të re.

Të kuqtë kanë qenë një nga klubet më të suksesshme në vitet e fundit për transferimet e lojtarëve, pasi në janar shitën për 1.5 mln euro Xhuljano Skukën tek Metz në Francë, duke regjistruar shifrën më të lartë të kampionati shqiptar.

Hadroj ka luajtur 64 ndeshje me “demat”, ndërkohë që në të shkuarën ka qenë pjesë e Laçit dhe Bylisit. Lojtari ka gjetur dhe besimin e trajnerit Sylvinho, që i ka bërë vend në skuadrën kuqezi në grumbullimet e fundit. Një eksperiencë e re në Turqi do të ndikonte akoma dhe më tepër në përmirësimin e tij.





Lajmet e fundit nga