web counter
LEXO PA REKLAMA!

SHKARKO APP

App Store
Google Play

E fundit!

x

Nuk ka kthim pas, Ronaldo do të largohet nga Mançester Junajtidi

12 Shtator 2022, 13:01, Sport CNA
Nuk ka kthim pas, Ronaldo do të largohet nga Mançester Junajtidi
Cristiano Ronaldo

Kristiano Ronaldo këmbëguli në merkaton e verës për t’u larguar nga Mançester Junajtid me destinacion te një skuadër që luante në Champions League, kompeticionin e preferuar të CR7.

Megjithatë, për shumë arsye, sulmuesi mbeti në "Old Trafford", teksa e ka nisur sezonin me “Djajtë e Kuq” si rrallëherë, tashmë Ronaldo është shndërruar në një lojtar stol dhe trajneri Erik ten Hag preferon freskinë e lojtarëve të rinj në sulm para eksperiencës së 37-vjeçarit.

Në këtë formë, bindja e luzitanit për t’u larguar nga United nuk ka ndryshuar dhe duket se Ronaldo do të provojë sërish nëpërmjet agjentit Mendes të sajojë një akomodim të ri.

Ndoshta, këtë herë eksperienca e re e Ronaldos mund të mos jetë edhe aq e re pasi një opsion është rikthimi te klubi ku hodhi hapat e parë si profesionist, Sportingu i Lisbonës. Ndërsa, alternativë mbetet edhe Fenerbahçe, Napoli apo një destinacion jashtë Europës, si MLS në Amerikë.

Ndërkohë, sipas burimeve të "The Sun" edhe shokët e skuadrës te Junajtid mendojnë se CR7 do të largohet në janar, madje disa prej tyre janë të pakënaqur me sjelljen e Ronaldos para startit të sezonit, pasi sulmuesi refuzoi të merrte pjesë në përgatitjet e verës.





Lajmet e fundit nga