web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Kukësi prezanton trajnerin e ri, Dobi: Mbijetesa nuk llogaritet, për mua një trampolinë

12 Shtator 2022, 10:11, Sport CNA

Enkeleid Dobi ka marrë postin e trajnerit te Kukësi. Pas largimit të Skënder Gegës, 47-vjeçari durrsak do të vijojë punën te verilindorët, teksa drejton për herë të parë në Shqipëri.

Ish-trajneri i Gornik dhe Widzew në Poloni, Dobi, ka thënë në fjalën e tij se ekipi do të kapë ritmin, ndërsa për të puna si trajner i Kukësit do të jetë në trampolinë.

“Dua të falenderoj presidentin dhe drejtuesit e klubit që më dhanë këtë detyrë në një projekt ambicioz. Do të mundohem të jap maksimumin për këtë rol e të jem në nivelin e duhur. Unë dua të luftoj për diçka, do të bëj gjithçka të arrij nivelin e duhur. Për mua mund të jetë dhe një trampolinë. Është një provë për mua. Kualiteti nuk mungon, na duhet pak kohë të bëjmë grupin. Çdo problem ka zgjidhje edhe pse jemi 7 pikë pas.

Në start nuk jemi mirë, por do të bëjmë ç'është e mundur ta kapim ritmin dhe të tjerët. Ndonjëherë duhet të jesh në kohën e duhur në vendin e duhur. Nuk kam ardhur vetëm për mbijetesën, sepse nuk do të vija të ishte për aq pak. E kam parë Kukësin direkt në 4 javët e para. Për sa pranova e kam një rivalitet dhe me veten time”, theksoi Dobi.





Lajmet e fundit nga