web counter
LEXO PA REKLAMA!

SHKARKO APP

App Store
Google Play

E fundit!

x

Shehi “qan” bomberin, Tirana pa stof kampioni

12 Shtator 2022, 11:20, Sport CNA
Shehi “qan” bomberin, Tirana pa stof kampioni
Trajneri Shehi dhe drejtori Osmani

Vetëm 5 pikë në 4 javë, vendi i 6-të në tabelën e klasifikimit nuk janë shifra që ngrohin ambientin bardheblu. Tirana nuk është më ajo e një sezoni më parë, nuk e ka stofin e një ekipi të pathyeshëm, të paktën jo deri më tani. Shehi nuk ka më të njëjtët titullarë, afro 50% e grupit është riformatuar nga e para, për më tepër që ekipi është ndërtuar në limite, asnjëherë deri më tani, Shehi nuk e ka pasur luksin të punojë me grupin e plotë.

Këto janë detaje që trajneri i vuri në pah pas barazimit pa gola kundër Kastriotit. Më shumë se çdo gjë, në këtë fillim sezoni, Shehit i mungon një sulmues i mirëfilltë. Këto kushte dhe shifrat vendosin jo pak në siklet stafin e Tiranës, çdo pikë e lënë e ndërlikon jo pak situatën, për këtë arsye kërkohet reagim i menjëhershëm, duke nisur nga sfida e radhës, ajo kundër Teutës.


Tri nga katër sfidat e para, Tirana i ka luajtur në transfertë, fusha ka qenë një tjetër detaj që ka ndikuar jo pak në perfomancën e ekipit kryeqytetas, nuk kanë pasur në dispozicion as “armën” e tyre më të fortë, stadiumin “Air Albania”, që vijon të jetë i padisponueshëm.





Lajmet e fundit nga