web counter
LEXO PA REKLAMA!

SHKARKO APP

App Store
Google Play

Nuk ka dyshime, Asllani planifikohet si titullar tek Interi

7 Prill 2023, 10:04, Sport CNA

Kristjan Asllani nuk ka kaluar një sezon siç e mendonte ai në momentin kur firmosi për Interin. Djaloshi shqiptar rrallëherë ka qenë në gjendje që të tregojë plotësisht talentin e tij te zikaltrit, duke kaluar shumë ndeshje në stol pa u aktivizuar. Por në momentin vendimtar të këtij sezoni për Interin, tashmë ai shihet si një titullar potencial.

Dëmtimi i lojtarëve si Çalhanoglu, por edhe mbingarkesa e të tjerëve në mesfushë, në një moment ku ka një kalendar të ngjeshur, mund të ndryshojë plotësisht dinamikën në mesfushën e Interit.

Ndaj, sipas “La Gazzetta Dello Sport”, duke filluar nga ndeshja e nesërme me Salernitanën, Asllani mund të luajë titullar të paktën në kampionat, për t’u dhënë frymëmarrje emrave si Barela, Brozoviç e Mkhitarian që të jenë në maksimum në kompeticionet e tjera.

Nuk dihet ende se në vendin e kujt do të aktivizohet mesfushori shqiptar, por 12 minutat e tij në fushë në Torino ndaj Juventusit, duken si sinjali i parë se për të do të ketë më shumë mundësi në katërkëndorin e gjelbër, për t’u bërë protagonist edhe ai i fatit të sezonit për zikaltrit.

 





Lajmet e fundit nga