web counter
LEXO PA REKLAMA!

SHKARKO APP

App Store
Google Play

E fundit!

x

Tre gola në tre ndeshjet e fundit, sulmuesi shqiptar vulos praninë e skuadrës në play-off për Serinë B

6 Prill 2023, 20:57, Sport CNA

Tre gola në tre ndeshjet e fundit, sulmuesi shqiptar vulos praninë e

Sulmuesi 22-vjeçar shqiptar, Kleis Bozhanaj, është kthyer në një nga protagonistët kryesore të javëve të fundit në Grupin B të Serisë C në Itali. Futbollisti shqiptar po shënon me rregullsi të admirueshëm dhe këto gola të tij kanë ndihmuar skuadrën e Karrarezes që të sigurojë një vend në play-off për ngjitjen në Serinë B.

Bozhanaj, ka shënuar në të tre ndeshjet e fundit me klubin e tij, duke e ndihmuar që të sigurojë 1 fitore dhe 2 barazime, të cilat mjaftuan për sigurinë matematikore që skuadra të sigurojë play-off në mbyllje të edicionit. Goli i tretë radhazi, i katërti për këtë sezon, erdhi në ndeshjen e sotme ndaj Torres në transfertë.

Rrotullim në mesfushë, shmangie e kundërshtarit dhe pastaj një predhë nga distanca e sulmuesit i cili mposhti portierin kundërshtar dhe gjeti në minutën e 38 golin e barazimit 1-1, me të cilin do të mbyllej e gjithë ndeshja.

Kështu, Bozhanaj rivalizon me emra si Merkaj, Shpendi e Kabashi të cilët janë gjithashtu pretendentë për ngjitjen në Serinë B dhe me golat e tyre po ndihmojnë ekipet përkatëse drejt këtij objektivi në të njëjtin grup.





Lajmet e fundit nga