web counter
LEXO PA REKLAMA!

SHKARKO APP

App Store
Google Play

Superiorja këtë vit më e bukur, por skuadrat e kreut lënë pikë pa hesap

7 Prill 2023, 09:35, Sport CNA

Superiorja këtë vit më e bukur, por skuadrat e kreut

Kampionati i këtij viti është qartazi më i luftuar se sezoni i vitit të kaluar. Në këtë fazë të kampionatit kur duhen edhe 10 javë deri në mbyllje, Tirana kampione ishte 13 pikë larg vendit të dytë. Këtë vit vendi i parë ndahet mes Tiranës dhe Partizanit me nga 47 pikë, të ndjekur nga Egnatia me 41 pikë.

Megjithatë, ekipet e kreut kanë lënë mjaft pikë rrugës, sidomos me ekipe më të vogla në barazime dhe humbje. Vështirë të thuash se cila mes Tiranës dhe Partizanit këtë vit ka hap kampioni. Nëse sezonin e kaluar bardheblutë ishin kampionë kjo dallohej në gjithë rrugëtimin e tyre në kampionat. Ekipi i Shehit e mbylli sezonin vjet me 73 pikë dhe vështirë se mund të arrihet kjo sasi pikësh qoftë edhe nga të kuqtë.

Luhet faza e katërt, e cila nis të dielën dhe përballjet do të jenë edhe më të vështira sepse skuadrat nuk kanë se çfarë të humbasin. E paqartë nuk është vetëm skuadra që projektohet si kampione, por edhe më poshtë renditjes ka shumë dilema.

Në fund të renditjes Kastrioti, Bylisi dhe Laçi do ta ndajnë mes tyre se kush do të bjerë një kategori më poshtë dhe diferencat në pikë nuk janë të mëdha. Gjithashtu, Egnatia, Vllaznia dhe Erzeni do të luftojnë mes tyre për një vend në Europë.





Lajmet e fundit nga