web counter
LEXO PA REKLAMA!

SHKARKO APP

"Nuk e dimë pse po e vonon UEFA", në Itali kërkojnë dënimin e Juventusit

4 Korrik 2023, 14:13, Sport CNA

Juventusi dhe Fiorentina janë në heshtje duke pritur një vendim nga UEFA. Organi më i lartë i futbollit në Evropë pritet që të dënojë Juventusin me përjashtim nga Evropa megjithatë vonesa e një vendimi ka ngjallur edhe diskutime në Itali pasi kërkohet që të përshpejtohet ky proces.

“Calcio Mercato” i ka kushtuar një artikull kësaj situate, duke nxjerrë në pah problemet që sjell për futbollin italian mungesa e një vendimi nga UEFA. Në rast se Juventusi përjashtohet nga Evropa, vendin e tyre e zë Fiorentina dhe natyrisht për skuadrën nga Firence rriten edhe të ardhurat vjetore.

Kjo do të bënte që skuadra violë të ndërhyjë në merkato me një tjetër buxhet dhe me një tjetër objektiv duke qenë se veç kampionatit duhet të përgatitet edhe për Evropën. Tashmë mbetet që të jepet vendimi dhe skuadrat të mësojnë fatet e tyre duke qenë se si afat i fundit ishte parashikuar mesi i qershorit, menjëherë pas finales së Champions-it, por tashmë duhet të pritet deri në mes të korrikut.





Lajmet e fundit nga