web counter
LEXO PA REKLAMA!

SHKARKO APP

App Store
Google Play

Një xhevahir i vërtetë/ Sheiku i Sitit “merr veten me të mira”, shpenzon 590 milionë euro për jahtin luksoz

9 Korrik 2022, 14:14, Sport CNA

Ka një milionë mënyra se si mund të shpenzohen 590 milionë euro. Por, për një sheik, këto para mund të shkojnë edhe për të kënaqur dëshirat personale dhe të investohen te një nga jahtet më luksoze në botë. Kështu ka menduar sheiku që ka në pronësi klubin e Mançester Sitit, Mansour bin Zayed Al Nahyan, i cili ka marrë veten me të mira duke vendosur në pronësi një nga katër jahtet më të mëdhenj në botë.

Sigurisht, bëhet fjalë për një gjigant me përmasa prej 152 metrash ku përfshihen 40 kabina në të cilat mund të akomodohen 48 persona, teksa nuk mungon pishina, salloni i bukurisë, një minipalestër, ashensor, SPA, klub nate dhe një bar-restorant. Sigurisht, nuk mungon edhe vendi për helikopterin që mund të transportojë vizitorët ekskluzivë nga doku në breg.

Sakaq, jahti ka një peshë prej 15.320 tonë dhe mund të udhëtojë me një shpejtësi prej 21.8 milje në orë, ndërsa një veçori është motori. Ai është gjysmë elektrik dhe gjysmë diesel, ndërsa mund të prodhojë ujë të pijshëm nga vetë ujë që harxhon nëpërmjet një impianti. Tashmë, kjo mrekulli e teknologjisë është në pronësinë e Mansour, i cili ndoshta edhe shumë ndeshje të Sitit në këtë sezon do të mund t’i ndjekë nga jahti luksoz, nga më të veçantët në botë.





Lajmet e fundit nga