web counter
LEXO PA REKLAMA!

SHKARKO APP

App Store
Google Play

Klubi shqiptar në “det të hapur”, kaos për Superioren

9 Korrik 2022, 10:01, Sport CNA

Klubi i Erzenit po kalon në një kaos total. Shijakasit nuk kanë nisur ende me fazën përgatitore dhe tashmë rrezikohet vërtetë pjesëmarrja në Superiore.

Klubi ndodhet prapa me çdo gjë ende nuk është kryer asnjë stërvitje të mirëfilltë.

Pritej të zgjidhej çështja e stadiumit, por edhe mbledhja e sotme është shtyrë për një datë të papërcaktuar.

Teksa pritej që të kishte zhvillime pozitive, situata tek Erzeni është kaotike. Klubi shijakas rrezikon seriozisht pjesëmarrjen në edicionin e ri futbollistik. Ende s’është vendosur për trajnerin, por gjithashtu nuk ka një datë se kur lojtarët do të mblidhen për fazën përgatitore. Dje pritej të zgjidhej çështja e stadiumit, por nuk ka ndodhur. Mbledhja është shtyrë për një datë tjetër. Fillimisht Këshilli Bashkiak Shijak pati njoftuar:

Ju njoftojmë se Këshilli Bashkiak Shijak do të organizojë konsultim me publikun “Për dhënien në përdorim apo me qira të stadiumit ‘Tofik Jashari’ shoqatës së futbollit Erzeni”, me datë 08 Korrik 2022, ora 18:00, në sallën e Këshillit Bashkiak (Njësia administrative Xhafzotaj kati 3).

Ftojmë të gjithë banorët, bizneset, shoqërinë civile, media, grupet e interesit të bëhen pjesë e këtij diskutimi.


Ndërkohë, ditën e djeshme ka pasur një deklaratë të dytë ku Këshilli njoftonte se konsultimi i planifikuar është shtyrë deri në një lajmërim të dytë. Në këtë mënyrë, askush nuk e di se kur do të nisë puna në Shijak për sezonin e ri futbollistik.





Lajmet e fundit nga