E fundit!

07:28 Aktualitet

Shteti duhet të paguajë 180 milionë euro për arbitrazhet ndërkombëtare

Detyrimet që lidhen me vendimet e arbitrazheve ndërkombëta...

Morata rrëfen tmerrin nga depresioni: Nuk lidhja dot këpucët, kisha turp të dilja me fëmijët

10 Tetor 2024, 11:31, Sport CNA

Morata rrëfen tmerrin nga depresioni: Nuk lidhja dot këpucët,

Sulmuesi spanjoll, Alvaro Morata, ka folur për një moment të vështirë në jetën e tij, siç është lufta ndaj depresionit.

Lojtari ka deklaruar se vuajtjet ishin shumë të mëdha, aq sa kishte turp të dilte shëtitje me fëmijët e tij.

Viti 2024 ka qenë sfilitës për Moratën, që kishte një miks të madh emocionesh, duke vuajtur nga depresioni, sulmet e panikut, të cilat bënë që të ishte në dyshim pjesëmarrja e tij në Europian.

Ai tha thënë se nuk kishte fuqi as për të lidhur këpucët, që të shkonte në stërvitje. Sulmuesi theksoi se depresioni dhe problemet me tifozët, ishin arsyet që sollën largimin e tij nga Atletico Madrid.

“Kur jeni në kohë të vështirë, si depresioni apo sulme paniku, nuk ka rëndësi se çfarë pune bëni. Ju keni një person tjetër brenda jush që duhet të luftoni çdo ditë dhe çdo natë. Për mua gjëja më e mirë ishte të largohesha nga Spanja, nuk durova më.

Po ndihesha shumë keq. Mendova se nuk do t'i vishja më këpucët dhe nuk do të dilja më në fushë. Por shumë njerëz më ndihmuan, nga Simeone, te Koke, CEO i Atlétiko-s, psikologu im, trajneri im... Për ju ne jemi ata që shihni në TV dhe mediat sociale, por shpesh kjo nuk është e vërtetë. Duhet të japësh një imazh të caktuar sepse është puna jote. Po kaloja keq, arrita në atë pikë sa nuk mund të lidhja as lidhëset e këpucëve.

Tre muaj para Europianit po mendoja nëse mund të luaja sërish. Nuk e dija se çfarë po më ndodhte, është një çështje shumë e ndërlikuar dhe e ndjeshme. Është ai momenti kur kupton se ajo që do më shumë në botë është edhe ajo që urren më shumë.

Më vinte turp të ecja me fëmijët e mi në rrugë. Sa herë dilja me ta, kisha gjithmonë një episod, pa tension, me njerëz për diçka që kishte ndodhur në ndeshjet e mëparshme. Dhe në fund nuk doja të bëja pazar me ta, siç bën shpesh një baba me fëmijët e tij. Më vinte turp.”, deklaroi Morata.

Sulmuesi spanjoll ndryshoi skuadër në merkaton e verës, duke u larguar nga Atletico Madrid, për të kaluar te Milani. Për italianët, lojtari është kthyer një pikë kyçë e formacionit dhe shumë i rëndësishëm për trajnerin Paulo Fonseca.