web counter
LEXO PA REKLAMA!

SHKARKO APP

App Store
Google Play

Marrëveshje për imazhin e sfidës me turqit, ja sa shitet e drejta e TV-së për Tirana-Beshiktash

1 Gusht 2023, 11:58, Sport CNA

Bombë tjetër e Tiranës. Këtë herë jo në merkato, pasi ato i ka mbyllur me afrimin e shtatë titullarëve. Klubi këtë herë ka arritur një shifër të çmendur me shitjen e së drejtës së TV-së për sfidën me Beshiktashin.

Zbulohet se Tirana do të përfitojë rreth 300 mijë euro nga shitja e imazhit të ndeshjes. Një shifër e madhe në krahasim me klubet e tjera të Superiores që luajtën në Europë.

Kjo, falë edhe kundërshtarit që është një nga skuadrat e mëdha turke. Me një llogari trashë e trashë, Tirana pritet të përfitojë rreth 500 mijë euro nga ndeshja me Beshiktashin, pa llogaritur këtu paratë e Europës, që do të vijnë nga UEFA.

Kualifikimi në turin e dytë të Ligës së Konferencës, u ka garantuar bardhebluve 550 mijë euro. Ama bonusi nuk janë paratë e Europës, por ajo që do të fitojë nga sfida me Beshiktashin.

Pak a shumë Tirana pret një shifër të mirë nga biletat që do të shiten për ndeshjen. Në Shqipëri ka shumë turq dhe paçka se me cilën skuadër janë tifozë ata do të ndjekin ekipin në Shqipëri. Shto këtu edhe tifozët shqiptarë.

Skuadra do të ketë pothuajse një stadium plot, i cili do të ndihmojë bardheblutë. Një tjetër e ardhur për sfidën me Beshiktashin do të jenë të ardhurat nga reklamat në stadium.

Kompanitë turke dhe shqiptare që duan të reklamojnë biznesin në këtë ndeshje janë të mëdha dhe kështu edhe nga reklamat do të ketë para.

 





Lajmet e fundit nga