web counter
LEXO PA REKLAMA!

SHKARKO APP

App Store
Google Play

Luhet për çerekfinalen, Holanda sfidon Rumaninë

2 Korrik 2024, 12:22, Sport CNA

Luhet për çerekfinalen, Holanda sfidon Rumaninë

Holanda luan një ndeshje shumë të rëndësishme në Europian, siç është ajo ndaj Rumanisë, e vlefshme për fazën e 1/8-ave.

“Tulipanët” vijnë si favoritë për të kaluar në çerekfinale, por gjithçka do të vendoset në fushën e lojës.

Rumunët kanë zhvilluar një turne shumë të mirë deri tani, pasi kaluan grupin si kryesues me 4 pikë dhe do të kërkojnë të bëjnë sërish surprizën.

Për Holandën, kombëtarja e Rumanisë ka qenë një kundërshtar i vështirë dhe këtë e tregojnë më së miri përballjet e fundit mes tyre.

Në pesë ndeshjet e luajtura, Holanda ka fituar tri herë, ka barazuar një herë dhe një herë tjetër është mposhtur.

Holanda shihet si një ndër favoritët në "Euro 2024" dhe fitoren sot e kanë detyrim. Në këtë linjë ishte edhe trajneri i "Tulipanëve", Roland Koeman.

“E kemi marrë shumë seriozisht Rumaninë. E dimë se çfarë na pret nga kjo ndeshje, por sigurisht që duhet të përmirësohemi në krahasim me ndeshjet e fundit. Kemi folur bashkë me djemtë gjatë këtyre ditëve dhe duam patjetër të korrigjojmë gabimet. Ekipi duhet të jetë më stabël, të mos japë hapësira për kundërshtarin. Kundër Austrisë ne i gabuam shumë gjëra. Rivali fitoi besim dhe na hapi punë. Rumania është një ekip i fortë në mbrojtje dhe i rrezikshëm në luftën e ajrit. Duhet të bëjmë kujdes në goditjet standarde dhe ato të dënimit. Kemi punuar në stërvitje. Ne e kemi marrë Rumaninë shumë seriozisht dhe duhet të jemi më mirë sesa në ndeshjen e fundit. Gjithçka fillon nga vetja”, deklaroi Koeman në konferencën para ndeshjes.

Ndeshja mes Holandës dhe Rumanisë është planifikuar të luhet mbrëmjen e kësaj të marte, duke nisur nga ora 18:00.





Lajmet e fundit nga