E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

LIVE DINAMO BATUMI-TIRANA / Nis dueli në Gjeorgji, çfarë ndodh në kohë reale

20 Korrik 2023, 19:06, Sport CNA

Tirana luan sot në Gjeorgji ndaj Dinamo Batumi ndeshjen e kthimit të Ligës së Konferencës. Ekipi kryeqytetas, pas barazimit 1-1 në ndeshjen e parë, do të kërkojë që të sigurojë një fitore në transfertë në një sfidë mjaft interesante.

Për kryeqytetasit, ka dy ndryshime në formacion në krahasim me sfidën e parë të luajtur në Trinë. Jashtë formacionit janë lënë Deliu dhe Mici, për t’i bërë vend Lushkjes dhe Përgjonit. I pari ishte ai i cili barazoi shifrat në fund të ndeshjes së parë, me asistin pikërisht nga mbrojtësi.

LIVE DINAMO BATUMI-TIRANA 0-1
28′ Lushkja

NGJARJET KRYESORE:

28’ GOOOL TIRANA! Aksion perfekt në të djathtë, topi shkon në qendër te Lushkja i cili i jep avantazhin bardhebluve.

26’ Hila rrëmben topin në krahun e majtë dhe harkon në qendër për Hasanin, mbrojtja vendase largon pa i dhënë mundësinë të gjuajë në portë.

25’ Abazaj nga e majta pason për Latifin për të nisur një kundërsulm të shpejtë, por pasimi i këtij të fundit nuk gjen askënd në zonë.

22’ Qarkullim i gjatë i topit nga skuadra vendase, e cila gjithsesi nuk ia del që të fitojë hapësira për të rrezikuar para portës së Selmanit.

18’ Bidzinashvili nga e majta gjen hapësirën të krosojë në qendër, aty ku Hoxhallari ndal rrezikun para Selmanit, duke i dhënë mundësinë këtij të fundit të mbërthejë sferën.

13’ Tsitaishvili nga e djathta harkon në zonë, por Najdovski largon me kokë duke mos lejuar rrezik para Selmanit.

12’ Një top i kthyer mbrapa vë në vështirësi portierin Çiçkan, por Latifi nuk ia del të prekë topin para portierit i cili spastron para zonës së tij.

9’ Zëvendësim i detyruar për vendasit, pasi Baliç largohet i dëmtuar, duke i bërë vend Rekhviashvilit.

7’ Litvinenko tenton një harkim në zonë nga një goditje dënimi, Selmani del dhe kontrollon sferën.

2’ Menjëherë shfaqet rrezikshëm Tirana me një aksion në krahun e majtë, por topi në qendër për Abazajn largohet nga mbrojtja vendase.

1′ Nis dueli në Batumi.