web counter
LEXO PA REKLAMA!

SHKARKO APP

App Store
Google Play

E fundit!

x

Laçi i Mezanit mposht Bylisin në "Adush Muça"

11 Dhjetor 2022, 15:24, Sport CNA

Pas një pauze prej afro një muaji, ditën e sotme është rikthyer "Abissnet Superiore", teksa janë luajtur dy sfidat e para të javës së 13-të. Bie në sy suksesi i Teutës në transfertë ndaj Kukësit me rezultatin 0-1, teksa golin vendimtar të sfidës e shënoi Lorenco Vila në minutën e 61-të.

E nis kështu me “këmbë të mbarë” trajneri Edi Martini eksperiencën e tij të katërt në krye të durrsakëve, ndërsa synon që të ringrejë skuadrën pasi “djemtë e detit” janë në vështirësi këtë sezon dhe aktualisht pavarësisht tri pikëve ndaj Kukësit, sërish mbeten të fundit me 11 pikë. Gjithsesi, suksesi në “Kukës Arena” është një sinjal i mirë për vazhdimësinë.

Ndërkaq, vijon periudhën e errët edhe Kukësi që shkon në kuotën e pesë ndeshjeve pa fitore, nga të cilat koleksionon plot katër humbje. Aktualisht, verilindorët e drejtuar nga trajneri Enkeleid Dobi mbeten në kuotën e 12 pikëve në vend të tetë.

Ndërkohë, në sfidën tjetër, atë mes Bylisit dhe Laçit ishin kurbinasit ata që triumfuan me rezultatin 0-1. Vendimtar për skuadrën e drejtuar nga trajneri Gentjan Mezani ishte goli i shënuar nga Adeleke në minutën e 40-të të pjesës së parë. Pas këtij suksesi, Laçi ngjitet në kuotën e 17 pikëve dhe mban vendin e gjashtë në klasifikim, ndërsa nga ana tjetër, ballshiotët janë në vend të nëntë me 12 pikë.





Lajmet e fundit nga