web counter
LEXO PA REKLAMA!

SHKARKO APP

App Store
Google Play

E fundit!

x

Pësoi një frakturë teksa luante ski/ Manuel Nojer flet pas operacionit

11 Dhjetor 2022, 08:24, Sport CNA
Pësoi një frakturë teksa luante ski/ Manuel Nojer flet pas
Manuel Nojer

Portieri i Bajern Mynihut dhe Gjermanisë, Manuel Nojer, ka njoftuar se do të humbasë pjesën e mbetur të sezonit 2022/23 për shkak të një lëndimi. 

Nojer pësoi një frakturë në këmbë teksa ishte në një turne skish pas Kupës së Botës. Për disa muaj ai do të qëndrojë larg fushës së blertë.

36-vjeçari hyri në "Instagram" të shtunën në mëngjes për të njoftuar lëndimin e tij, duke pretenduar se ai shkoi në ski për të 'pastruar kokën' pas fushatës së mjerueshme të Gjermanisë në Kupën e Botës në Katar. 

Ai konfirmoi se operacioni për të riparuar këmbën e tij ishte i suksesshëm dhe tani do të qëndrojë në shtëpi derisa të rikuperohet.


Ai shkroi: “Hej djema, çfarë të them? Fundi i vitit mund të kishte shkuar patjetër më mirë... Ndërsa po përpiqesha të pastroja kokën gjatë turneut të skive, pësova një frakturë në pjesën e poshtme të këmbës. Operacioni i djeshëm shkoi mirë. Shumë faleminderit mjekëve! Megjithatë, më dhemb të di se sezoni aktual ka mbaruar për mua. Kujdes! Manueli juaj."

Lajmi është një goditje e rëndësishme për ofertën e Bajernit për suksesin vendas dhe europian këtë sezon, duke u mbështetur në Nojerin si një nga lojtarët e tyre më të rëndësishëm që nga ardhja e tij në vitin 2011 nga Schalke 04.

Ai ka bërë 488 paraqitje për gjigantët bavarezë, duke ngritur 28 trofe dhe vetëm me një humbje në Bundesligë në fushatën e tij hapëse./CNA.al





Lajmet e fundit nga