E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

Sherr me stafin teknik, Partizani i merr kapitenin Tiranës

10 Dhjetor 2022, 16:40, Sport CNA

Sidomos në vitet e fundit, Tirana ka arritur të ndërtojë një akademi shumë të mirë dhe të nxjerrë disa talente, të cilët i kanë sjellë të ardhura të konsiderueshme klubit, përveçse e kanë ndihmuar ekipin e parë për të korrur suksese.

Tradita e bardhebluve vazhdon ende, por së fundmi Partizani gjithashtu e ka kthyer vëmendjen për të fabrikuar talente dhe ditët e fundit ka arritur të firmosë me kapitenin e ekipit U-19 të bardhebluve, Amarildo Karaj. 18-vjeçari është një nga sulmuesit më të talentuar në Shqipëri për moshën e tij.

SHKAKU I NDARJES – Largimi nga Tirana ka ardhur pas një mosmarrëveshjeje që lojtari ka pasur me stafin teknik mbi aktivizimin e tij. 18-vjeçari nuk ka pranuar faktin që zëvendësohej herë pas here dhe ka shprehur pakënaqësitë e tij hapur ndaj trajnerit Julian Ahmataj. Pas kësaj, drejtuesit e akademisë së Tiranës kanë vendosur që si ndëshkim për sjelljen e tij ta lënë në stol. Më pas babai i Karajt ka kërkuar largimin e djalit të tij nga Tirana.

PAGESA – Këta të fundit ia kanë bërë të qartë se duhet ta blejë kartonin e të birit dhe ai ka paguar një shumë parash, e cila nuk dihet saktësisht. Me të bërë pagesën, Tirana i ka dhënë kartonin lojtarit, i cili tashmë është lojtar i lirë.

“DEM” – Me të lënë Tiranën, Amarildo Karaj ka arritur marrëveshjen me Partizanin, ku do të transferohet në janar dhe do t’i bashkohet ekipit të drejtuar nga Renaldo Kalari. Të kuqtë presin shumë nga i riu.