web counter
LEXO PA REKLAMA!

SHKARKO APP

App Store
Google Play

Kreu i FSHF-së entuziast: Ky staf i Kombëtares ndryshe nga të tjerët, kualifikimi është objektivi ynë

20 Mars 2023, 17:07, Sport CNA

Armand Duka ka folur pas seancës së parë stërvitore të kombëtares shqiptare. Presidenti i Federatës Shqiptare të Futbollit foli fillimisht për grupin që përbën skuadrën kuqezi, si dhe u ndal te trajneri i ri Sylvinho.

Ai duket entuziast për vendimin e brazilianit për të jetuar në Shqipëri si dhe theksoi që objektivi kryesor është kualifikimi në EURO 2024. Për gazetarët presidenti Duka deklaroi:

“Diferencat në futboll janë të vogla. Nëse do t’i bashkojmë të voglat bashkë, bëhet hapi cilësor për të shkuar më lart. Risia në këtë edicion kjo është. Duam të kemi një rezultat akoma më të mirë në kualifikueset e EURO 2024.

Trajneri? Stafi ka qenë i angazhuar 100 përqind në Shqipëri. Nga dita e parë e kontratës deri sot. Ka qenë aktive edhe për të kompletuar shtëpinë e futbollit. Kanë jetuar gjithë kohën në Shqipëri. Duken me energji pozitive. Kjo energji pozitive t’i shërbejë futbolli. Siç thuhet në futboll ndeshje e radhës. Të shohim Poloninë dhe më pas të tjerat.

Pritshmëritë? Ka kërkuar ta nisë edicionin këtu, në shtëpinë e futbollit. Koha ka qenë e shkurtër. Për këtë falënderoj administratën e futbollit që kanë punuar 24 orë për të qenë gati. Kërkesa është e të gjithëve që ekipi të jetë maksimalisht i angazhuar. Të na dhurojnë diçka pozitive.

Rezultatet? Kemi bërë gjithçka për të pasur rezultatet më të mira. Kemi vënë gjithçka në dispozicion të këtij stafi. Objektivi ynë është kualifikimi në EURO 2024. Nuk është një grup i lehtë. Luhet në një periudhë të ngushtë. Sa më pak mungesa, të çon në rezultate pozitive. Shpresojmë që të kemi më shumë në rezultatet pozitive”.

Kujtojmë që Shqipëria do ta nisë rrugëtimin në këto kualifikuese me ndeshjen e parë kundër Polonisë. Kjo sfidë do të zhvillohet në datën 27 mars në orën 20:45.





Lajmet e fundit nga