web counter
LEXO PA REKLAMA!

SHKARKO APP

App Store
Google Play

E fundit!

x

Ksavi bën modestin: Nuk ndihemi ende kampionë

20 Mars 2023, 11:21, Sport CNA

Barcelona triumfoi në “El Clasico” përballë Real Madridit, duke hedhur kështu një hap të rëndësishëm drejt titullit kampion në këtë edicion.

Suksesi 2-1 ishte sa i rëndësishëm po aq edhe i veçantë për vetë mënyrën se si kjo fitore erdhi, me ekipin e Ksavit që nuk u dorëzua dhe përmbysi gjithçka në frymën e fundit.

Pas sfidës, vëmendja u spostua te trajnerët, me Ksavi Hernandezin, i cili kërkoi menjëherë të largonte euforinë nga ekipi i tij duke u shprehur i lumtur për suksesin, por ai dhe skuadra nuk ndihen ende kampionë.

“Nuk ndihemi ende kampionë, por është një hap shumë i rëndësishëm për ne. Ndeshja ishte perfekte dhe ne e merituam këtë fitore. Ne ishim superiorë dhe lojtarët e meritonin këtë sukses, jo vetëm për atë që dhuruan ndaj Realit, por për të gjithë sezonin. Rezultati ishte i drejtë dhe jam i lumtur. Të gjithë vrapojnë, punojnë dhe kjo në fund sjell rezultate. Është diçka që na bën krenarë. Ne kemi regjistruar shumë pikë dhe kjo do të thotë se ekipi po punon shumë mirë. Mendoj se në këtë takim treguam jo vetëm se jemi shumë të fortë në sulm, por se jemi shumë solidë edhe në mbrojtje. Tani duhet të shohim përpara, na presin sfida të tjera, kampionati është ende i gjatë”- përfundoi Ksavi.

Barcelona tashmë kryeson me 68 pikë, 12 më shumë se vendi i dytë, Real Madrid dhe katalanasit janë në rrugën e duhur për t’u rikthyer te titulli kampion, një titull i cili mungon prej sezonit 2018/2019.





Lajmet e fundit nga