web counter
LEXO PA REKLAMA!

SHKARKO APP

App Store
Google Play

E fundit!

x

Klubi i Pogradecit bëhet me pronarë të rinj, projekt ambicioz për ngjitjen në elitë

7 Korrik 2024, 11:32, Sport CNA

Skuadra e Pogradecit siguroi ngjitjen në Kategorinë e Parë, pas dy sezoneve në të Dytën. Ndryshimet te skuadra liqenore pritet të jenë të mëdha për sezonin e ri dhe gjithçka do të nisë nga kupola drejtuese.

“Arlis Ndërtim” ka blerë aksionet e klubit. Kjo kompani ka një projekt ambicioz, jo vetëm për të kthyer klubin në elitë, por pritet të ketë edhe investime në infrastrukturë.

Sipas burimeve zyrtare për CNA, shumë shpejt do të ketë një projekt për të siguruar fonde nga qeveria dhe pushteti vendor për të rikonstruktuar stadiumin e Pogradecit. Për ta modernizuar atë dhe për ta sjellë në parametrat dinjitoze, për një skuadër që synon Superligën. Ekipi liqenor e ka përpara shembulin se si bashkimi i biznesmenëve të qytetit dhe investimi mund të sjellë rikthimin e tifozëve apo ngritjen e ekipit në nivele sa më të larta.

Skënderbeu është shembulli më i mirë për pogradecarët. Pse jo, ekipi liqenor të bëhet si Skënderbeu i djeshëm, ku investimet e biznesit të qytetit, qeverisë dhe FSHF-së, në vitin 2010, sollën një ndryshim rrënjësor në infrastrukturën e qytetit korçar, por edhe ndërtuan një ekip elitar. Skënderbeu është një fakt i djeshëm, Pogradeci mund të jetë një shembull për nesër, për të ndryshuar rrënjësisht futbollin në qytetin liqenor.

“Arlis Ndërtim” ka premtuar investime të rëndësishme, që do kthenin skuadrën liqenore, një emër të rëndësishëm në Shqipëri.

Me marrëveshjen që është mbyllur, tashmë mungon vetëm zyrtarizimi, për të nisur më pas puna për ndryshimet e sezonit të ri.

Kompania Arlis është themeluar në vitin 2008. Aktiviteti i kompanisë është zbatimi dhe projektimi i ndërtimeve civile, ekonomike, punime dheu, sistemim taracime, prodhime elementesh të parafabrikuara, betoni, ndërtime civile e turistike, rrugë, vepra arti, hekurudha e kanalizime dhe investime në sektorin e energjetikës.

Është një ndër kompanitë lider në tregun shqiptar dhe jep kontributin e saj, sidomos në objektet rezidenciale, duke plotësuar kështu kërkesat e vazhdueshme urbanistike.

Me shembullin Skënderbeu që kanë afër, tifozët e Pogradecit tashmë mund të ëndërrojnë.../CNA.al





Lajmet e fundit nga