web counter
LEXO PA REKLAMA!

SHKARKO APP

App Store
Google Play

Messi gabon penalltinë, Argjentina kualifikohet pas "ruletës ruse"

5 Korrik 2024, 11:46, Sport CNA

Messi gabon penalltinë, Argjentina kualifikohet pas "ruletës

Argjentina siguroi kualifikimin në gjysmëfinalen e Kupës së Amerikës, pas shumë vështirësive ndaj Ekuadorit.

Kampionët në fuqi festuan vetëm pas penalltive, ndërsa koha e rregullt u mbyll në barazim 1-1.

Kombëtarja e Scalonit e nisi më kërkuese ndeshjen dhe iu afrua golit në minutën e 27-të, por gjuajtja me kokë nga Enzo Fernandez, shkoi ngjitur me shtyllën e majtë të portierit.

Goli nuk vonoi dhe në minutën e 35-të, Lisandro Martinez, bëri që të shpërthejë festa tek argjentinasit, duke shënuar pas një asisti të marrë nga MekAlister.

Pjesa e dytë nisi me ekuadorianët më kërkues dhe në minutën e 62-të, kishin mundësinë e barazimit, por Valencia gaboi nga penalltia, duke goditur shtyllën.

Në fund të takimit, Rodriguez vendosi baraspeshën, për ta dërguar ndeshjen te ruleta ruse dhe për të shtyrë festën e Argjentinës.

Penalltitë nisën shumë keq për argjentinasit dhe gaboi ai që pritej më pak, Leo Messi. Gjuajtja e “pleshtit”, u përplas në tranversë.

Megjithatë, portieri Martinez u kthye në heroin e Argjentinës, duke pritur në mënyrë spektakolare, dy gjuajtjet e para të Ekuadorit.

Më tej, argjentinasit nuk gabuan dhe shënuan të gjitha gjuajtjet e mbetura, për të siguruar kualifikimin në gjysmëfinale, aty ku do të përballen me fituesin e çiftit Venezuelë-Kanada.





Lajmet e fundit nga