web counter
LEXO PA REKLAMA!

SHKARKO APP

App Store
Google Play

Festa e gabuar, heroi i Turqisë rrezikon pezullimin

3 Korrik 2024, 12:13, Sport CNA

Festa e gabuar, heroi i Turqisë rrezikon pezullimin

Merih Demiral, ishte heroi i Turqisë, në ndeshjen ndaj Austrisë, aty ku fituan me rezultatin 2-1, për tu kualifikuar në çerekfinale të Europianit.

Mbrojtësi realizoi dopietë golash, për t’i siguruar turqve avancimin më tej. Megjithatë, pas festës mund të vijë një dënim për lojtarin.

26-vjeçari ka zgjedhur një mënyrë të gabuar për të festuar triumfin ndaj austriakëve. UEFA, ka nisur një hetim ndaj lojtarit, për shkak të një shenje me duar.

Demiral ngriti  duart lart duke bërë me gishta shenjën e “ujqërve” që është një simbol i grupimit “Ujqërit Gri”, i cili në disa vende cilësohet si organizatë ekstremiste, sepse në ideologjinë e tij është kthimi i Turqisë së madhe që shtrihet nga Ballkani deri në Kinë.

“Në lidhje me ndeshjen e raundit 1/16-ve, të Kampionatit Europian mes Austrisë dhe Turqisë të luajtur me 2 korrik në Lajpcig, Gjermani, është hapur një hetim në përputhje me Nenin 31 të Rregulloreve Disiplinore të UEFA-s në lidhje me sjelljen e papërshtatshme që aludohet për lojtarin e Turqisë, Merih Demiral”, shkruhej në një njoftim të UEFA-s.

Në rast se UEFA e merr si mesazh politik gjestin e Demiral, atëherë mbrojtësi rrezikon të pezullohet për ndeshjen e radhës, që Turqia do e luajë ndaj Holandës në çerekfinale.

Gjithashtu ekziston edhe mundësia që lojtari të dënohet me gjobë. Vendimi do të zbulohet para ndeshjes së ardhshme të kombëtares turke.





Lajmet e fundit nga