web counter
LEXO PA REKLAMA!

SHKARKO APP

App Store
Google Play

Gjermanët ndihen të vjedhur, shpërthen Kimmich: Na u mohua penallti e pastër ndaj Spanjës

6 Korrik 2024, 11:27, Sport CNA

Gjermanët ndihen të vjedhur, shpërthen Kimmich: Na u mohua

Gjermania u eliminua në çerekfinalen e Europianit nga Spanja, në një ndeshje që sigurisht, nuk mund të kalonte pa polemika.

Rasti më i diskutueshëm në këtë takim, ishte ai i minutës së 106-të, kur një gjuajtje e Musialës që po i drejtohej portës, u ndal me dorë nga Kukurela. Protestat e gjermanëve ishin të mëdha, por arbitri Taylor e konsideroi gjithçka të rregullt dhe vazhdoi normalisht lojën.

Ky rast, ka krijuar polemika të mëdha, me mesfushorin Joshua Kimmich, që pas ndeshjes, foli hapur dhe nuk u kursye.

“Të gjithë e panë se penalltia ishte mëse e dukshme. Nuk e kuptoj vendimin e arbitrit Tejlor për të vazhduar lojën. E kam parë si skenë edhe pas ndeshjes. Nuk ka arsye përse ai duhet të qëndronte indiferent. Fakti që ekziston VAR-i në kompeticion kaq prestigjioz bën të kuptosh se transparenca nuk ka se si të mungojë. Gjithsesi, fjalët janë të kota në këtë moment. Fati i kësaj ndeshjeje është vulosur, po ashtu edhe eliminimi ynë.”, deklaroi Kimmich.

Për mesfushorin tjetër, Toni Kroos, ajo ndaj Spanjës, ishte ndeshja e fundit si lojtar, pasi ka vendosur ta mbyllë me futbollin e luajtur. 34-vjeçari u shfaq i zhgënjyer, që nuk arriti ta mbyllë karrierën me një trofe, në rang kombëtaresh.

“Ne kishim një qëllim të madh të përbashkët së bashku. Ajo ëndërr tani është shkatërruar. Ne do të kuptojmë në ditët në vijim se kemi luajtur një turne të mirë, por tani është shumë e hidhur. Dhamë gjithçka për të mos humbur. Mund të jemi krenarë pasi kemi rikthyer shpresën në futbollin gjerman.”, deklaroi Kroos.

Eliminim zhgënjyes për Gjermaninë, që në këtë Europian ishin organizatorë, ndërsa tani vëmendja kalon te Botërori që do të mbahet pas dy vitesh.





Lajmet e fundit nga