E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Klasikja e Shqipërisë/ Vllaznia dhe Tirana ndajnë pikët mes emocionesh

13 Nëntor 2022, 15:10, Sport CNA

Klasikja e futbollit shqiptar, Vllaznia-Tirana, ka përfunduar me rrjeta të paprekura 0-0 në stadiumin “Selman Stërmasi”, e vlefshme për javën e 12-të në Kategorinë Superiore.

Ashtu siç pritej, kjo ndeshje dhuroi emocione dhe raste të shumta nga të dy krahët, por vetëm goli ishte ai që mungoi në këtë supersfidë.

Me këtë barazim, kampionët aktualë të Shqipërisë mbajnë përkohësisht vendin e parë të renditjes me 22 pikë të grumbulluara, ndërsa shkodranët renditen në vendin e 3 me 19 pikë.

Vlen të theksohet se ky takim u luajt në stadiumin “Selman Stërmasi” sepse fusha e impiantit “Loro Boriçi” është duke u mbjellë.

FT: Tirana-Vllaznia 0-0

90′ Arbitri i katërt, Orlando Kuka ka akorduar 4 minuta shtesë!

88′ Vllaznia kryen një zëvendësim tjetër, largohet Herald Marku në vendin e tij Ardit Hoxhaj.

86′ Përsëri Tirana i vjen rrotull golit me Xhixhën, i cili provon të befasojë Zogoviçin.

79′ Vllaznia pranë golit me Herald Markun, teksa krijohet iluzioni i golit me topin që shkon fare pranë portës.

70′ Esat Mala lë fushën e lojës për shkak dëmtimi, teksa e zëvendëson Arsid Kruja.

64′ Bardheblutë kryejnë zëvendësim teksa largohet Sherif Kallaku, në vendin e tij Ardit Deliu.

59′ Tirana provon golin nga një skemë me goditje dënimi dhe Ismajlgeci tenton portën me Zogoviçin që e devijon edhe e dërgon në goditje këndi.

56′ Dajan Shehi futet në fushën e blertë duke zëvendësuar Marko Juriç të dëmtuar. Shkodranët bëjnë edhe një zëvendësim tjetër, teksa largohet Ante Aralica për t’i bërë vend Kaina Nunjeshit.

55′ Marko Juriç largohet mes duartrokitjeve pasi pëson një dëmtim dhe mbyll ndeshjen.

46′ Nis pjesa e dytë! Tirana shkelmon topin e parë të fraksionit të dytë.

45′ Arbitri i katërt, Orlando Kuka, ka akorduar 1 minutë shtesë!

44′ Përsëri Tirana shpërdoron rast për gol, me Patrik, i cili godet, por gjen këmbët e Bulatoviç.

42′ Kampionët e Shqipërisë në kërkim të golit teksa Zogoviç i përgjigjet duke grushtuar atë top.

37′ Vllaznia rrezikshëm me Ante Aralicën që godet shtyllën.

33′ “Ndizet” sfida, nga njëra portë në tjetrën! Aralica ka humbur rastin e artë teksa Toshevski ndalon atë moment dhe më pas Tirana zbret furishëm me Hasanin, me Zogoviçin që e bën të vetin topin.

32′ Erdenis Gurishta ndërhyn nga prapa në dëm të Redon Xhixhës, për arbitrin kryesor Olsion Yzeiraj është goditje dënimi.

27′ Patrik dhuron një vertikalizim perfekt për Florent Hasanin, por me këtë të fundit që ndodhej në pozicion të parregullt.

25′ Vllaznia dominon këto minuta, teksa ka pasur disa momente të rrezikshme në portën e bardhebluve.

18′ Tirana provon të kapë në kundërsulm kundërshtarin me Hasanin, i cili vertikalizon për Patrik, por Juriç mbyll mjaft mirë dhe me brazilianin që nuk e kupton idenë e shokut të skuadrës.

14′ Gurishta provon të futet nga e djathta në qendër, teksa godet portën me Bekajn, i cili e bën të vetin topin.

12′ Ndeshje e ekuilibruar, teksa loja është e inkuadruar në mesfushë me dy skuadrat që studiojnë njëra-tjetrën.

4′ “Shkëndija” e parë vjen nga kampionët aktualë të Shqipërisë, teksa Patrik humbet një rast të artë për shënim.

1′ Starton sfida! Shkodranët shkelmojnë topin e parë të takimit.

VLLAZNIA – (4-3-3): Zogoviç; Gurishta, Juriç, Bulatoviç, Hakaj; Alivoda, Boshnjaku, Jonuzi; Mala, Aralica, Herald Marku. Trajner: Mirel Josa.

TIRANA – (4-3-3): Bekaj; Toshevski, Najdovski, Behiratçe, Ismajlgeci; Limaj, Aleksi, Kallaku; Hasani, Patrik, Xhixha. Trajner: Orges Shehi.

Arbitër kryesor – Olsion Yzeiraj (Patos)

Asistent i parë – Egin Doda (Tiranë)

Asistent i dytë – Herald Lisaku (Tiranë)

Arbitër i katërt – Orlando Kuka (Tiranë)

VAR – Eldorjan Hamiti (Lezhë)