web counter
LEXO PA REKLAMA!

SHKARKO APP

App Store
Google Play

E fundit!

x

Vllaznia-Tirana/ Mungon vetëm goli në pjesën e parë, klasikja prodhon emocione të shumta

13 Nëntor 2022, 13:53, Sport CNA

Ka startuar në orën 13:00, në stadiumin “Selman Stërmasi”, klasikja e futbollit shqiptar, Vllaznia-Tirana, e vlefshme për javën e 12-të në Kategorinë Superiore.

Kampionët aktualë të Shqipërisë do të kërkojnë fitoren e tretë radhazi në kampionat, por edhe të ruajnë vendin e parë në renditje.

Ndërsa shkodranët e Mirel Josës duan trepikëshin për t’u bërë presion kryesuesve në renditje.

Vlen të theksohet se ky takim duhej të zhvillohej në stadiumin “Loro Boriçi”, por nuk u luajt aty sepse ky impiant i është nënshturar mbjelljes së barit.

HT: Tirana-Vllaznia 0-0

45′ Arbitri i katërt, Orlando Kuka ka akorduar 1 minutë shtesë!

44′ Përsëri Tirana shpërdoron rast për gol, me Patrik, i cili godet, por gjen këmbët e Bulatoviç.

42′ Kampionët e Shqipërisë në kërkim të golit, teksa Zogoviç i përgjigjet duke e grushtuar atë top.

37′ Vllaznia rrezikshëm me Ante Aralicën që godet shtyllën.

33′ “Ndizet” sfida, nga njëra portë në tjetrën! Aralica ka humbur rastin e artë teksa Toshevski ndalon atë moment dhe më pas Tirana zbret furishëm me Hasanin, me Zogoviç që e bën të vetin topin.

32′ Erdenis Gurishta ndërhyn nga prapa në dëm të Redon Xhixhës, për arbitrin kryesor Olsion Yzeiraj është goditje dënimi.

27′ Patrik dhuron një vertikalizim perfekt për Florent Hasanin, por me këtë të fundit që ndodhej në pozicion të parregullt.

25′ Vllaznia dominon këto minuta, teksa ka pasur disa momente të rrezikshme në portën e bardhebluve.

18′ Tirana provon të kapë në kundërsulm kundërshtarin me Hasanin, i cili vertikalizon për Patrik, por Juriç mbyll mjaft mirë dhe me brazilianin që nuk e kupton idenë e shokut të skuadrës.

14′ Gurishta provon të futet nga e djathta në qendër, teksa godet portën me Bekajn, i cili e bën të vetin topin.

12′ Ndeshje e ekuilibruar, teksa loja është e inkuadruar në mesfushë me dy skuadrat që studiojnë njëra-tjetrën.

4′ “Shkëndija” e parë vjen nga kampionët aktualë të Shqipërisë, teksa Patrik humbet një rast të artë për shënim.

1′ Starton sfida! Shkodranët shkelmojnë topin e parë të takimit.

VLLAZNIA – (4-3-3): Zogoviç; Gurishta, Juriç, Bulatoviç, Hakaj; Alivoda, Boshnjaku, Jonuzi; Mala, Aralica, Herald Marku. Trajner: Mirel Josa.

TIRANA – (4-3-3): Bekaj; Toshevski, Najdovski, Behiratçe, Ismajlgeci; Limaj, Aleksi, Kallaku; Hasani, Patrik, Xhixha. Trajner: Orges Shehi.

Arbitër kryesor – Olsion Yzeiraj (Patos)

Asistent i parë – Egin Doda (Tiranë)

Asistent i dytë – Herald Lisaku (Tiranë)

Arbitër i katërt – Orlando Kuka (Tiranë)

VAR – Eldorjan Hamiti (Lezhë)

 





Lajmet e fundit nga