web counter
LEXO PA REKLAMA!

SHKARKO APP

App Store
Google Play

“Kjo ishte vjedhje…”, zbulohen prapaskenat për shkarkimin e trajnerit Nica

29 Gusht 2023, 09:51, Sport CNA

Çudira shqiptare që në startin e kampionatit! Pasi e stërviti dy muaj ekipin dhe e drejtoi në fazën përgatitore, duke seleksionuar shumë lojtarë dhe përmbushur strategjinë e klubit, që këtë vit u beson më tepër të rinjve, mjaftoi një barazim në shtëpi ndaj Erzenit në javën e parë që të hedhë në erë gjithçka nga një projekt i nisur. Presidenti i Laçit, Pashk Laska, shkarkoi dje trajnerin Stavri Nica, në një rast të përsëritur disa herë me durrsakun në dekadën e fundit.

Burime në klubin kurbinas për "Panorama Sport" treguan se pasi rezultati shkoi nga 3-1 në 3-3, nisën përplasjet e para të Nicës me drejtuesit e klubit. Këta të fundit kishin pakënaqësi për mënyrën se si trajneri menaxhoi ndeshjen dhe për më tepër me zëvendësimet që bëri. Mirëpo, këto ankesa tërbuan edhe më tepër Nicën, i cili ia faturoi rezultatin e papritur gjykimit.

“Ndeshjen e vendosi gjykimi, ju po më thoni për ndërrimet. Kjo ishte vjedhje…”, mësohet të ketë thënë 69-vjeçari në inat e sipër, teksa u referohet vendimeve që mori kryesori Maletaj. Ky i fundit anuloi me VAR një penallti për Laçin në start, ndërsa nuk akordoi një tjetër në favor të kurbinasve pas rrëzimit në zonë të Sobovales në duel me Sadikin. Tashmë pritet që presidenti Laska të vendosë për trajnerin e ri, ndërsa ekipi do të drejtohet provizorisht nga zv.trajneri Eduard Tanushi.





Lajmet e fundit nga