web counter
LEXO PA REKLAMA!

SHKARKO APP

App Store
Google Play

E fundit!

x

Luiza Gega përmbyll me sukses Botërorin e Atletikës

28 Gusht 2023, 12:28, Sport CNA

Luiza Gega e mbyll me kokën lart pjesëmarrjen në Kampionatin Botëror të Atletikës që u zhvillua në Budapest. Atletja shqiptare ishte pjesë e finales së 3000 metrave me pengesa teksa e mbylli garën në vendin e tetë. Atletja 34-vjeçare që u shoqërua nga një problem fizik në këtë kompeticion, i përshkoi 3000 metrat me kohën 9 minuta 10 sekonda e 27 të qindtat, që është edhe koha më e mirë e saj në këtë sezon dhe shumë pranë rekordit kombëtar të kësaj disipline.

Kampionia e Evropës, pavarësisht dëmtimit në këmbë që kishte pësuar arriti të renditej në vendin e tretë në baterinë e saj duke kaluar në finale ashtu siç ndodhi në Botërorin e vitit të kaluar në oregon ku Gega u rendit në vendin e pestë që është rezultati i saj më i mirë për sa u përket Botërorëve.

Vlen të kujtojmë se Luiza Gega e ka siguruar edhe pjesëmarrjen në Lojërat Olimpike të Parisit, teksa pak kohë më parë në kampionatin ballkanik arriti të kapë normën që e çonte atë në kompeticionin më të rëndësishëm sportiv në botë.

Për sa i përket garës, medaljen e artë në 3000 metra me pengesa për femra e fitoi Winfried Mutile Yavi nga Bahrejni me 8 minuta 54 sekonda e 29 të qindtat, e ndjekur nga Beatrice Chepkoech nga Kenia në vendin e dytë dhe Cherotich në vendin e tretë, edhe kjo një atlete keniane.





Lajmet e fundit nga