E fundit!

13:28 Ekonomi

Vendimet e bordit/ Ulet çmimi i benzinës, nafta vijon rritjen

Bordi i Transparencës në datë 4 Qershor 2026, në mbledhjen...

Katër titullarë mund të largohen nga Partizani

28 Shtator 2023, 15:17, Sport CNA

Pas mësimeve që mori para dy sezonesh, Partizani tashmë është shndërruar në një klub që u paraprin gjërave në lidhje me kontratat dhe rinovimet e tyre. Të kuqtë gjatë verës, por edhe në sezonin e shkuar, kanë arritur të firmosin marrëveshje afatgjata me lojtarët kryesorë, duke u përqendruar më së shumti te të rinjtë, që konsiderohen si lojtarë kyç të skuadrës.

Megjithatë, janë disa të tjerë, që nëse klubi nuk vendos të lëvizë për të rinovuar, mund të largohen të lirë në fund të këtij sezoni. I pari është Eljon Sota, mbrojtës titullar, që në dy sezonet e fundit ka qenë stabël dhe ka arritur të mbulojë hapësirat e lëna nga Belica dhe Bitri. Aktualisht konsiderohet lideri i qendrës së mbrojtjes.

Një tjetër lider i ekipit, Valentino Murataj, mund të largohet i lirë në merkato. Të paktën sipas asaj që është folur, kontrata e mesfushorit përfundon në verën e ardhshme dhe dy palët do të duhet të punojnë për një marrëveshje të re, nëse nuk e duan ndarjen.

Tedi Cara është gjithashtu një nga lojtarët kryesorë të ekipit, që mund të largohet në verë si i lirë. Megjithatë, klubi në këtë rast e ka në dorë situatën, pasi në kontratën e kavajasit është përfshirë edhe rinovimi për një tjetër vit në varësi të dëshirës së klubit.

Një tjetër lojtar kyç i ekipit, që mund të largohet nga Partizani, është Viktor da Silva. Braziliani ka edhe këtë sezon kontratë, por behet me dije se Partizani ka nisur që tani të lëvizë për të rinovuar edhe për një vit me brazilianin, ashtu siç mund të ketë bërë edhe me të lartpërmendurit.

Kontrata e David Atanaskoskit, tjetër titullar, gjithashtu përfundon në verën e ardhshme. Sabit Bilali ka vitin e fundit në kontratë, por në njoftimin e bërë nga Partizani për firmën e tij, është bërë me dije edhe opsioni për rinovimin edhe një sezon. Nuk dihet saktësisht se kush e ka në dorë këtë detaj të kontratës.

E njëjta situatë vlen edhe për Gjelbrim Taipin dhe Eros Grezdën. Ndërkohë edhe Emiliano Vilës i skadon kontrata në fund të sezonit të ardhshëm, por fillimisht do të duhet të shijojmë debutimin e tij të radhës me fanellën e kuqe.