web counter
LEXO PA REKLAMA!

SHKARKO APP

App Store
Google Play

Nga rënia disa kategori më poshtë dhe heqja e titujve te përjashtimi nga Evropa, çfarë rrezikon Barcelona

28 Shtator 2023, 15:15, Sport CNA

Barcelona është akuzuar zyrtarisht nga Gjykata Hetimore për korrupsion në çështjen “Negreira” dhe kjo gjë mund të ndikojë në mënyrën më të keqe të mundshme te klubi katalanas.

Për 17 vite Barcelona ka paguar ish-zëvendëspresidentin e Komitetit Teknik të Gjyqtarëve, Hoze Maria Negreiran, i cili u vërtetua që ka marrë para nga klubi katalanas nga viti 2001 deri në 2018.

Tashmë duhet pritur të përfundojë gjyqi penal civil dhe më pas të shkojë në atë sportiv, ku do të kalojë njëherë në Federatën Spanjolle të Futbollit e më pas në UEFA.

Mediat spanjolle kanë bërë me dije menjëherë se çfarë rrezikojnë “blaugranat”, ku përfshihet dhe një mundësi e rënies nga kategoria dhe heqja e të gjithë titujve të fituar në periudhën në të cilën akuzohet.

DËNIMET QË MUND TË PËSOJË BARCELONA:

*Burg për të dyshuarit (ish-presidentët e Barcelonës, Bartomeu dhe Rosel, Negreira dhe bashkëpuntorët e tjerë)

*Rënia nga kampionati drejt një lige të pacaktuar

*Heqja e të gjithë trofeve të fituar nga Barcelona përgjatë periudhës 2001-2018

*Përjashtim nga kompeticionet evropiane për një periudhë të pacaktuar

*Gjobë financiare (ndoshta mund të quhet e papërfillshme në krahasimin me ndikim që do të kishte në klub, duke parë që do ta rrëzonte automatikisht nga kategoria për shkak të problemeve financiare që Barça ndodhet me shumë borxhe të papaguara etj.).

Rasti i Barcelonës është një rast i paprecedentë më parë, pasi është e provuar me fakte që Barcelona ka dhënë para drejt një zyrtari, ndryshe nga Juventusi me “Calciopolin” pasi bardhezinjtë edhe pse kishin ndikuar në ndeshje, nuk kishte kurrë prova për para.





Lajmet e fundit nga