web counter
LEXO PA REKLAMA!

SHKARKO APP

App Store
Google Play

Kategoria e Parë/ Fitorja e Korabit ndaj Skënderbeut “ndez” garën për ngjitjen në “Abissnet Superiore”

16 Nëntor 2022, 16:40, Sport CNA

Kategoria e Parë/ Fitorja e Korabit ndaj Skënderbeut

Korabi arriti të merrte një fitore mjaft të rëndësishme në javën e 10-të të Kategorisë së Parë, teksa ia doli të mposhte me shifrat 2-1 skuadrën e Skënderbeut. Një triumph që e pozicionon skuadrën nga Peshkopia në vendin e 3-të në tabelën e klasifikimit me 17 pikë.

Dy vendet e para mbahen nga Flamurtarti dhe Dinamo me kuotë të njëjtë pikësh, 21 pas 10 javës të zhvilluara, ku Korabi i ndjek me 4 pikë më pak, dhe fitorja ndaj korçarëve ka “ndezur” garën në Kategorinë e Parë. Ndërkohë në vendin e 4-të pozicionohet Luzi me 16 pikë, një surprizë e bukur, ndërsa më pas vijnë Besa dhe Tërbuni me nga 15 pikë.

Tashmë zyrtarisht Korabi ka hedhur kandidaturën për ngjitjen në elitën e futbollit shqiptarë dhe këtë gjë e konfirmoi edhe trajneri Shpend Kumbarçe. Ky i fundit do të theksonte pas ndeshjes se objektivi i vendosur nga klubi është pikërisht ngjitja në “Abissnet Superiore” dhe tashmë s’kanë pse ta fshehin më.

 

Kategoria e Parë/ Fitorja e Korabit ndaj Skënderbeut





Lajmet e fundit nga