web counter
LEXO PA REKLAMA!

SHKARKO APP

App Store
Google Play

Java e dytë e Superiores ndahet në dy ditë, mësoni ndeshjet dhe oraret

21 Gusht 2024, 17:03, Sport CNA

Java e dytë e Superiores ndahet në dy ditë, mësoni ndeshjet

Departamenti i Garave në FSHF ka përcaktuar kalendarin e javës së dytë në Superiore, që do të luhet e ndarë në dy ditë, të dielën dhe të hënën.

Më 25 gusht do të zhvillohen tre takime. Java e dytë do të hapet me ndeshjen Egnatia – Laçi, që do të luhet në stadiumin “Egnatia Arena”, në orën 17:00. Të dielën do të zhvillohen edhe dy sfida të tjera në orën 20:00. Partizani do të përballet me Skënderbeun në stadiumin “Arena e Demave”, ndërsa në “Loro Boriçi” do të luhet takimi Vllaznia – Tirana.

Të hënën do të zhvillohen edhe dy takimet e fundit të javës së dytë. Në stadiumin “Adush Muça” të Ballshit, do të luhet ndeshja Bylis – Dinamo City, në orën 17:00.

Java e dytë do të ulë siparin me ndeshjen AF Elbasani – Teuta, që do të luhet në stadiumin “Elbasan Arena”, në orën 20:00.

Java e dytë e Superiores ndahet në dy ditë, mësoni ndeshjet





Lajmet e fundit nga