web counter
LEXO PA REKLAMA!

SHKARKO APP

App Store
Google Play

E fundit!

x

Infrastruktura e futbollit shqiptar përmirësohet ndjeshëm në fillim të vitit 2025

26 Shkurt 2025, 14:16, Sport CNA

Infrastruktura e futbollit shqiptar përmirësohet ndjeshëm në

Viti 2025 ka nisur mjaft mirë për infrastrukturën e futbollit shqiptar, me investime të rëndësishme nga Federata e Futbollit. Në dy muajt e parë të vitit janë përfunduar dy fusha të reja: një në Famullinë e Shna Prendes në Juban të Shkodrës dhe tjetra në aneksin e stadiumit “Skënderbeu” në Korçë. Gjithashtu, ka përfunduar rikonstruksioni i plotë i stadiumit “Egnatia Arena”, ku janë instaluar: një sistem modern ndriçimi, një ekran LED perimetral, si dhe janë realizuar punime në tribuna si vendosja e stolave të rinj dhe përmirësime të tjera infrastrukturore.

Puna vazhdon me ritme të larta në disa qytete të vendit për të modernizuar infrastrukturën futbollistike. Në “Shtëpinë e Futbollit” po ndërtohen dy fusha të reja, të cilat do t’u shtohen fushave ekzistuese që shërbejnë për ndeshje dhe stërvitje të ekipeve kombëtare. Po ashtu, në Shtoj të Shkodrës është drejt përfundimit një fushë moderne me bar artificial.

Ndërkohë, në Elbasan ka nisur puna për rikonstruksionin e një fushe me bar natyral në kompleksin sportiv “Shefqet Lamçja”, ndërsa në Gjirokastër pritet të fillojnë punimet për dy fusha të reja, pas rikonstruksionit të plotë të fushës së stadiumit “Luftëtari”.

Në javët e ardhshme, priten të zbatohen projekte të tjera infrastrukturore në disa qytete të vendit, duke vijuar përmirësimin dhe zhvillimin e mëtejshëm të kushteve për futbollin shqiptar.





Lajmet e fundit nga