web counter
LEXO PA REKLAMA!

SHKARKO APP

App Store
Google Play

E fundit!

x

Gjoka: Ta nxjerrim Skënderbeun nga kjo vorbull e keqe, synojmë gjysmëfinalen

25 Shkurt 2025, 15:48, Sport CNA

Gjoka: Ta nxjerrim Skënderbeun nga kjo vorbull e keqe, synojmë

Skënderbeu synon të kualifikohet në gjysmëfinalen e Kupës së Shqipërisë. Pas fitores 2-0 në ndeshjen e parë, korçarët presin në shtëpi Dinamon, për takimin e kthimit.

Avantazhi i ndeshjes së parë u jep rolin e favoritit juglindorëve, por trajneri Ernest Gjoka kërkon kujdes.

Në prononcimin para ndeshjes, tekniku i Skënderbeut vlerësoi maksimalisht kundërshtarin, ndërsa tha se dëshiron me çdo kusht gjysmëfinalen.

Gjoka tha se fokusi kryesor është kampionati, për të shmangur mbijetesën, por pret avancim edhe në Kupë.

"Skuadra i ka cilësitë, pavarësisht se ardhjet e reja duan kohën e tyre. Fitorja me Egnatian na jep oksigjen dhe na përgatit për ndeshjet e tjera. Ndeshjet e Kupës janë ndryshe. Pavarësisht se jemi 0-2, përballë kemi një skuadër të vështirë, me një trajner që interpreton ndeshjet shumë mirë. Ne kemi objektivat tona dhe duam me çdo kusht gjysmëfinalen. Kampionati është fokusi ynë kryesor, sepse Skënderbeu duhet të dalë nga kjo vorbull e keqe. Në situatën që jemi, pse të mos kërkojmë kualifikimin në Kupë."

Trajneri i Skënderbeut analizoi edhe momentin e vështirë të skuadrës korçare, duke vënë theksin te ana psikologjike e lojtarëve.

"Nuk mendoj se lojtarët nuk kanë dëshirë për të dhënë maksimumin. Ta gjesh një skuadër në vend të fundit, është ngërç i madh. Ardhjet e reja, ende nuk janë përshtatur në maksimum. Unë shikoj seriozitet dhe dëshirë. Skënderbeun duhet ta mbajmë me çdo kusht në Superligë. Ne mendojmë se janë burra, por këta janë ende në moshë të re."

Ndeshja Skënderbeu-Dinamo do të luhet të mërkurën, duke nisur nga ora 16:30.  

 





Lajmet e fundit nga