E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Iku nga kjo jetë si legjendë/ Historia e veçantë e pseudonimit të Pele-s

29 Dhjetor 2022, 20:37, Sport CNA

Iku nga kjo jetë si legjendë/ Historia e veçantë e

Pele

Futbollisti brazilian Pele u nda nga jeta sot (29 dhjetor 2022) në moshën 82-vjeçare.

Ai kishte luftuar me kancerin, si dhe kishte probleme me veshkat dhe zemrën.

Pele u shtrua në spital më 29 nëntor. Ai kishte marrë rregullisht kujdes spitalor që nga shtatori 2021, kur iu hoq një tumor nga zorra e trashë. Vajza e tij, Kely Nascimento, konfirmoi lajmin në një postim në Instagram, duke shpërndarë një foto të familjes duke mbajtur duart e gjigantit të ndjerë të futbollit.

"Të duam pafund. Pusho në paqe", ka shkruar ajo.

Në një postim në llogarinë zyrtare të Pele në Instagram, një deklaratë lexonte se Pele "magjepsi botën me gjenialitetin e tij në sport" dhe ndihmoi në përhapjen e një mesazhi dashurie.

"Mesazhi i tij sot bëhet një trashëgimi për brezat e ardhshëm. Dashuri, dashuri dhe dashuri, përgjithmonë", thuhet në postim.

Po kush ishte Pele dhe pse e mori emrin Edison

Mitet janë shumë interesante. Thashethemet dhe skenarët janë të shumtë. Këtë pseudonim ia kishte vendosur një shok në shkollë.

Madje, ai u pezullua nga shkolla për tre ditë pas një sherri me djalin që i vuri pseudonimin. Ka dy versione se çfarë do të thotë realisht dhe është karakteristikë se ai vetë ka insistuar se nuk e di se si ka ardhur. Versioni i parë është se një ditë ai ishte duke luajtur futboll, në fushat e Tres Corasos me shokët e tij, me një top të improvizuar të bërë prej pëlhure dhe letre, kur në një moment gjeti një top të vjetër, të shfryrë, të dëmtuar, por lëkure të hedhur pranë një stacioni i trenit.

Që atëherë mori këtë emër pasi Pele do të thotë lëkurë në shumë gjuhë latine. Versioni tjetër është se ky emër i ka ngelur kur gabimisht e ka quajtur lojtarin e tij të preferuar “Bile” si “Pile”, portieri i Vasko da Gamës. Ai është shprehur se emri Pele nuk ka qenë sipas dëshirës së tij dhe nuk tregon asgjë në gjuhën portugeze.

Megjithatë, shumë më vonë një teolog tha se kjo fjalë është në Bibël dhe në hebraisht do të thotë mrekulli, gjë që i ndryshoi mendimin për emrin./CNA.al