E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

"Nuk ka ekipe të penalizuara nga arbitrat", Shulku: FSHF ka qëndruar larg kampionatit, VAR në Kategorinë e Parë do përdoret për...

29 Dhjetor 2022, 15:36, Sport CNA

I ftuar në “SportZone” në MCN TV, Ilir Shulku deklaroi se Federata Shqiptare e Futbollit, ka qëndruar gjithmonë larg kampionatit shqiptar, për të cilin tha se këtë vit është shumë i fortë.

Sekretari i përgjithshëm në FSHF, u shpreh se nuk ka ekipe të penalizuara nga gjykimi.

"FSHF gjithmonë ka qëndruar larg kampionatit shqiptar. Realisht është një kampionat shumë i fortë. Sivjet është treguar se nuk ka diferenca mes ekipeve. Erzeni është në vendet e para, Egnatia po ashtu. Diferencat janë shumë të vogla. Kampionati është shumë i fortë. Pjesa e gjykimit ka qenë pak sivjet, kjo edhe për shkak të VAR-it. Çdo ekip ka marrë në fushën e lojës, atë që ka merituar. Nuk mendoj se ka një ekip të penalizuar nga gjykimi. Pezullimet e arbitrave nuk njoftohen, por nëse i shikon, që arbitrat që nuk gjykojnë prej kohësh, janë të penalizuar. Klubet janë ndërgjegjësuar. Nuk ka shumë gabime arbitrare. Nuk ka shumë paragjykime. Kur klubet mendojnë se një arbitër ka ndikuar në ndeshje, e kemi shmangur për një kohë të caktuar."

I pyetur për përdorimin e mundshëm të VAR-it në Kategorinë e Parë, Shulku deklaroi se infrastruktura dhe kosto e madhe, e bëjnë të pamundur, por shtoi se do të përdoret për ndeshjet e “play off” dhe “play out” në fund të sezonit.

"VAR në Kategorinë e Parë? Çdo ndeshje ka një kosto të madhe me sistemin VAR. Në një pjesë të klubeve nuk është infrastruktura e duhur për VAR. Janë të ndërlidhura të dyja. Deri tani është një kampionat shumë i fortë dhe shumë i ndjekur. Kemi 5-6 ekipe që pretendojnë elitën. Diferenca e pikëve është shumë e vogël dhe kampionati do të jetë shumë i fortë. Do të vijë edhe koha për VAR në këtë kampionat. Në ndeshjet e “play off” dhe “play out”, do të ketë sistem VAR. Kemi një grup shumë ët mirë arbitrash. Kemi disa të rinj që premtojnë shumë dhe jam i bindur që do të shkojnë mirë."