web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria me trajner të ri, drejtimi i kuqezinjve i besohet një braziliani

29 Dhjetor 2022, 19:33, Sport CNA

Shqipëria me trajner të ri, drejtimi i kuqezinjve i besohet një

Stoli i Kombëtares Shqiptare është vakant që prej largimit të Edi Rejas. Federata Shqiptare e Futbollit prej muajsh po studion mundësitë për pasuesin e italianit dhe në listën e tryezës së presidentit Duka kanë qarkulluar disa emra.

Nga italianët “tradicional” si Cambiasso deri te shqiptarët Ilir Daja e Besnik Hasi. Zërat kanë shkuar shumë larg, madje deri në Brazil ku Sylvinho, asistenti i Tites në Kombëtaren braziliane, u zbulua nga Duka në një emision në Shqipëri.

Tashmë çdo gjë ka marrë fund, FSHF ka zgjedhur strategun e ri dhe është pikërisht braziliani Sylvinho. Pas një dekade, Shqipëria nuk do të drejtohet më nga shkolla italiane por do të vijë një brazilian.

Objektivi kryesor për Sylvinhon do të jetë kualifikimi në Euro2024 në Gjermani dhe më pas do shihet nëse do vazhdohet ende me këtë trajner apo jo.

Prej kohësh janë përmendur emrat e shumë trajnerëve qoftë vendas qoftë dhe të huaj, por Duka këtë herë na ka surprizuar jo pak me zgjedhjen e tij.

Në një intervistë të disa ditëve më parë, Duka pranoi bisedimet me Sylvinhon po shkonin mirë dhe mesa duket kjo do jetë zgjedhja e tij përfundimtare.

Kush është Sylvinho

Braziliani ka një karrierë mjaft të mirë si futbollist, ku ka luajtur për Korinthias, Arsenal, Barcelonën dhe Manchester City. Ndërsa sa i përket eksperiencës si trajner, ka qëndruar për disa kohë në krye të Lyon në 2019 dhe 1 vit tek Korinthias në Brazil.

Ndërsa së fundmi ka qenë ndihmës i Tite tek Kombëtarja e Brazilit.

Si futbollist, ai ka luajtur 415 ndeshje në karrierë me klubet, ku ka shënuar edhe 7 gola. Ndërsa me Brazilin ka 6 paraqitje.

Vlen të theksohet se është 2 herë fitues i “Champions League” me Barcelonën dhe i 3 kampionateve në Spanjë.





Lajmet e fundit nga