E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ilir Shulku: Nuk jep rezultat ajo që bëjnë klubet shqiptare, Skënderbeu me një përforcim shkoi në Europë

29 Dhjetor 2022, 16:01, Sport CNA

Reformën te futbolli i moshave, Ilir Shulku e quan si diçka pozitive në aspektin pozitiv.

Në emisionin “SportZone” në "MCN TV", sekretari i përgjithshëm në FSHF, deklaroi se në mbledhjen e bërë me klubet, të gjithë e quajtën pozitive reformën, por kur iu bë e ditur se nuk do ishin pjesë dolën kundër.

"Reforma te futbolli i moshave? Kur kemi bërë biseda me disa ekipe, të gjithë thonin që kjo është shumë e mirë, por kur ju thamë, që ata nuk janë pjesë, ata donin të ishin dhe dilnin kundër. Mendoj se kjo reformë është shumë pozitive nga ana sportive. Është asimiluar që në momentin që filloi. Të gjithë janë të bindur që është reformë shumë e mirë. Numri i ekipeve ishte rritur shumë te Kategoria e Parë."

Shulku u ndal edhe te kampionati shqiptar, ndërsa për derbin tha se duhet punuar më shumë për ndërgjegjësimin e tifozëve, pas problemeve që kanë shkaktuar në stadium.

"Derbi? Pavarësisht rivalitetit dhe tifozërive, kanë atë bukurinë e vet, kur futesh në stadium dhe bën ato koreografitë. Kur futesh te dëmtimi i stadiumit, kjo është gjë tjetër. Kemi folur me drejtuesit e klubeve, kanë punuar edhe ata për të folur me tifozët, por duhet të punojmë më shumë. Duhet të punojnë edhe mediat për të ndërgjegjësuar tifozët. Tapeti i 'Air Albania' është i ri, por në derbi u dëmtua, u thyen shumë stola. Duhet të punojmë shumë për t’i ndërgjegjësuar tifozët. Stadiumi ka një vlerë jo të vogël dhe dëmtimi ndikon te klubet, për t’i paguar.

Çdo vit edhe më shumë, shtohen kriteret e licencimit. Kriteri më i rëndësishëm është ai financiar, pastaj infrastruktura dhe administrata. Kampionatin e fiton ekipi që do të jetë më i mirë. Mendoj se do të jetë një kampionat i fortë."

I pyetur për ecurinë e klubeve në Europë, Shulku deklaroi se ndërrimi i ekipit kur mbaron kampionati, nuk jep rezultat, ndërsa përmendi si shembull Skënderbeun.

"Skënderbeu në ato vite që fitoi titullin kampion, vetëm në dy vite e fitoi kampionatin disa javë para fundit. Mbaj mend një kampionat që rivalizuan deri në fund me Flamurtarin, pastaj me Teutën, më pas me Partizanin. Shpresoj që këtë vit të ndahet në javën e fundit.

Klubet shqiptare duhet të bënin më mirë në Europë. Por ndërrimi i ekipit kur mbaron kampionati, nuk jep rezultat. Skënderbeu me atë ekip që doli kampion, vetëm me një përforcim shkoi në Europë."