web counter
LEXO PA REKLAMA!

SHKARKO APP

App Store
Google Play

Humbja me Sassuolon/ Milani merr vendimin për Piolin, Leao bëhet çështje

30 Janar 2023, 12:32, Sport CNA

“Shuplaka” e marrë nga Sassuolo brenda në “San Siro” djeg shumë në shtëpinë e Milanit, një humbje e rëndë që praktikisht nxori “Djallin” nga gara për titull, fakt që e pranoi edhe Pioli. Në sytë e trajnerit, por jo vetëm, tani Milani duhet të mendojë vetëm për të siguruar një vend në Champions, aktualisht ndodhen në vendin e 5-të në kuotën e 38 pikëve, po aq sa Lacio dhe Atalanta.

Pavarësisht shifrave, tri humbje në tri ndeshjet e fundit, 12 gola të pësuar, stafi drejtues vijon të besojë te Stefano Pioli. Sipas "La Gazzetta dello Sport", trajneri nuk rrezikon, të paktën jo për momentin, por sigurisht është nën provim.

Te Milani ka dhe një tjetër çështje që shqetëson jo pak, ajo e Rafael Leaos. Sulmuesi portugez duket i fikur, pas çdo jave që kalon edhe Leao duket sikur po largohet gjithnjë e më shumë, për rinovim as që flitet, por portugezi po humbet edhe shkëlqimin në fushë. Në sfidën e fundit, atë kundër Sassuolos, Leao e pa veten në pankinë, u aktivizua vetëm me fillimin e pjesës së dytë: “Ka humbur pak nga shkëlqimi, ishte një zgjedhje e kushtëzuar”, u shpreh Pioli kur u pyet për faktin pse Leao e nisi ndeshjen nga stoli.





Lajmet e fundit nga