web counter
LEXO PA REKLAMA!

SHKARKO APP

App Store
Google Play

E kërkojnë Brentford dhe Leeds, Uzuni merr vendimin e papritur

29 Janar 2023, 22:44, Sport CNA

Myrto Uzuni është duke kaluar një prej momenteve më të mira në karrierën e tij. Sulmuesi po vazhdon që të shënojë te Granada dhe pritet që të rikthehet në elitën e futbollit spanjoll. Kjo formë e mirë ka gëzuar edhe interesimin e disa skuadrave.

Mediat spanjolle raportojnë se Brentford dhe Leeds janë interesuar nga Premier League për Uzunin, ndërsa Galatasaray e ka kërkuar në Turqi.

Këta të fundit kërkonin të propozonin një shifër shumë herë më të vogël se kartoni i Uzunit. Megjithatë në Spanjë janë të sigurt se Myrto Uzuni dëshiron të vazhdojë te Granada dhe të kthehet në La Liga, të paktën deri në verë.

Uzuni shtoi dy gola të tjerë në statistikat e tij me Granadën për këtë sezon. Sulmuesi shqiptar i dha fitoren skuadrës së tij kundër Andorrës, por golat nuk ishin e vetmja temë diskutimi rreth tij.

Për sulmuesin shqiptar kanë shfaqur interes Galatasaray dhe Leeds-i, çka ka shtyrë gazetarët të pyesnin trajnerin për këtë çështje.

Paco Lopezi ka parapëlqyer ta shmangë këtë pyetje, duke i kërkuar gazetarëve ta lënë të festojë i qetë fitoren. Megjithatë në fund ka dhënë një mesazh se në futboll mund të ndodhë gjithçka, duke lënë të kuptohet se mund të ketë edhe një largim të Uzunit në merkato.

“Më lër të shkoj të darkoj në paqe dhe të festoj fitoren. Do ta lëmë Uzunin këtu, edhe pse në futboll gjithçka mund të ndodhë”, ka thënë Paco Lopezi.





Lajmet e fundit nga